105
newsnextone.com | ডিজিটেল ডেস্কঃ তই যদি পাতে পাতে, মই ডালে ডালে৷ এয়াই পৰিলক্ষিত হ’ল ইন্ধন সামগ্ৰী আৰু পেট্ৰলিয়াম সামগ্ৰীৰ মূল্যত৷ পেট্ৰল-ডিজেলৰ মূল্য বৃদ্ধিয়ে দেশৰ জনতাৰ মূৰত মাধমাৰ মাৰিছে৷ শেহতীয়াকৈ বিগত তিনিদিন একেৰাহে পেট্ৰল-ডিজেলৰ মূল্য হ্ৰাস পোৱা পৰিলক্ষিত হৈছে যদিও এতিয়াও ৮০ৰ ঘৰ পৰিক্ৰমি হৈয়েই আছে পেট্ৰল মূল্য৷
প্ৰধানমন্ত্ৰী নৰেন্দ্ৰ মোডীয়ে উজ্জ্বলা যোজনাৰ জৰিয়তে দেশৰ দৰিদ্ৰ সীমাৰেখাৰ তলৰ পৰিয়ালক বিনামূলীয়া গেছ সংযোগ প্ৰদান কৰিছে৷ ধোঁৱাহীন পাকঘৰ এটাৰ পৰাই সুস্থ পৰিয়ালৰ পৰাই আৰম্ভ হয় বুলি বৰ বৰ কথা কৈ দেশৰ জনতাক গেছ সংযোগ লোৱাৰ প্ৰতি আকৃষ্টও কৰিছে৷ কিন্তু ইফালে নৰেন্দ্ৰ মোডীয়ে বিনামূলীয়া সংযোগ প্ৰদান কৰি আনফালে ইন্ধন সামগ্ৰীৰ মূল্য বৃদ্ধি কৰি সাধাৰণ জনতাক লুটি পুতি খোৱাৰ পৰিকল্পনা কৰিছে বুলি জনতাই অভিযোগ উত্থাপন কৰিছে৷
