9
গুৱাহাটীঃ দিন যিমানেই পাৰ হৈছে ৰাজ্যত সিমানেই ভয়াবহ হৈ পৰিছে কৰ’না কাল। বৃহস্পতিবাৰে এটা দিনতে পোহৰলৈ অহা ৮ টাকৈ পজিটিভ ঘটনাৰ ৪ টাই হৈছে গুৱাহাটী মহানগৰীৰ। এনে পৰিপ্ৰেক্ষিতত এতিয়া সমগ্ৰ গুৱাহাটীতে বিৰাজ কৰিছে এক আতংকময় পৰিস্থিতিয়ে।
স্বাস্থ্যমন্ত্ৰী হিমন্ত বিশ্ব শৰ্মাই বৃহস্পতিবাৰে নিশা ৯-৩০ বজাৰ পৰা ১০ বজা অৰ্থাৎ আধাঘণ্টাৰ ভিতৰত দুটাকৈ টুইটযোগে সদৰী কৰিছিল ৮ জনকৈ লোক সংক্ৰমণ হোৱাৰ কথা। কিন্তু উক্ত টুইট দুটাত নিজামুদ্দিনৰ সৈতে জড়িত ঘটনাৰ যিদৰে সবিশেষ লগে লগে জনাইছিল সেইধৰণে জনোৱাৰ পৰা বিৰত আছিল।
