নাৰায়ণপুৰত বুদ্ধ জয়ন্তী উপলক্ষে সহস্ৰ বন্তি প্ৰজ্বলন

নাৰায়ণপুৰঃ সমগ্ৰ বিশ্বৰ বৌদ্ধ ধৰ্মালম্বী লোকসকলৰ লগতে নাৰায়ণপুৰ বৰখামতি গাঁৱত পৰম্পৰাগত ভাবে আজি দিনজোৰা কাৰ্যসূচীৰে ২৫৬১ তম বুদ্ধ জয়ন্তী উদযাপন কৰা হয়। সমূহ গাওঁবাসীৰ আৰু অতিথিবৃন্দৰ উপস্থিতিত পুৱা ৭ বজাত বিশ্ব বৌদ্ধ পতাকা উত্তোলন কৰে গাঁৱৰ পাঠেক চাও তেৱম নামছুম দেৱে।

পুৱা ১১ বজাত ধৰ্মালোচনা সভাত ধৰ্মপুথি পাঠ ও পঞ্চশীল গ্ৰহণ কৰাৰ পিছত ১২ বজাত লঘু আহাৰেৰে অতিথি আপ্যায়ন কৰা হয়। সন্ধ্যা ৬ বজাত এহেজাৰ বন্তি প্ৰজ্বলনেৰে ইশ্বৰক প্ৰাৰ্থনা জনোৱাৰ লগতে বুদ্ধ জয়ন্তী ২৫৬১ তম কাৰ্যসূচীৰ সামৰণি কৰা হয়।