অসমীয়াৰ খেতি ডৰা গেঁৰ ধৰিছে

গুৱাহাটীঃ আজি অসমীয়াই পালন কৰিব চেনেহৰ কাতি বিহু৷ আদৰৰ বিহুক আদৰিবলৈ উজনি-নামনি সকলোতে ব্যস্ত এতিয়া অসমীয়া৷ প্ৰতিঘৰ অসমীয়াৰ পৰিয়ালত এতিয়া উখল-মাখল পৰিবেশ৷ গুৱাহাটী মহানগৰীতো উখল-মাখল পৰিবেশ৷ চহৰত বাস কৰিলেও গ্ৰাম্য চহা জীৱনৰ ছবি খন পাহৰি যোৱা নাই মহানগৰীত বসবাস কৰা অসমীয়াই৷ নানান ব্যস্ততাৰ পৰা ফালৰি কাটি মহানগৰীৰ প্ৰতিঘৰ অসমীয়াই কাতি বিহুৰ প্ৰস্তুতি চলাইছে৷

সমৃদ্ধিৰ কামনা কৰি মহানগৰীত কাতি পালন কৰা পৰিলক্ষিত হয়৷ ব্যৱসায় প্ৰতিষ্ঠান, ঘৰৰ পদুলি পোহৰাই তুলিছে৷ দেশ, জাতি, সমাজ, সমৃদ্ধ হোৱাৰ কামনাৰে বুধবাৰে অসমীয়া জাতিয়ে কাতি কাতি বিহু পালন কৰিছে৷ কপালৰ ঘাম মাটিত পেলাই পথাৰত খেতি কৰি অসমীয়াই বাট চাইছে ঘৰলৈ সোনগুটি আহিব৷