নতুন সংসদ ভৱনত স্থাপন কৰা কি এই ছেংগোল? কি কয় ইতিহাসবিদে?

বিশেষ প্ৰতিবেদনঃ বিৰোধীৰ বৰ্জন, তুমুল বিতৰ্কৰ মাজতো অৱশেষত আজি উদ্বোধন কৰা হ’ল নতুন সংসদ ভৱন। প্ৰধানমন্ত্ৰী নৰেন্দ্ৰ মোডীয়ে সৰ্বধৰ্ম বাণীৰে, সাষ্টাংগ প্ৰণিপাত কৰি আজি মহা আড়ম্বৰপূৰ্ণ অনুষ্ঠানত উদ্বোধন কৰিলে অত্যাধুনিক সা-সুবিধাসম্পন্ন সুবিশাল সংসদ ভৱনটো।

নতুন সংসদ ভৱন উদ্বোধনৰ পৰা আৰম্ভ হ’বলগীয়া কিছুমান নতুন পৰম্পৰাৰ ভিতৰত অন্যতম হ’ল ছেংগোল স্থাপন। প্ৰধানমন্ত্ৰীয়ে শনিবাৰে তামিলনাডুৰ অধিনাম মঠৰ পৰা ছেংগোল গ্ৰহণ কৰাৰ পিছত আজি লোকসভাৰ অধ্যক্ষৰ আসনৰ ঠিক ওচৰত ধৰ্মীয় ৰীতি-নীতিৰে স্থাপন কৰা হয়।