88
নাৰায়ণপুৰঃ ধলপুৰ ভিৱজিঅ’ ক্লাবৰ উদ্যোগত বিগত বছৰৰ দৰে এইবাৰো দুদিনীয়া কাৰ্যসূচীৰে “ধলপুৰ কেন্দ্ৰীয় ৰঙালী বিহু” সন্মিলন আয়োজন কৰা হৈছে। ১১ মে অৰ্থাৎ বৃহস্পতিবাৰৰ পৰা আৰম্ভ হ’বলগীয়া বিহু সন্মিলনখনত ধলপুৰ শিমলুগুৰি জিলা পৰিষদৰ আঞ্চলিক সদস্য লীলাকান্ত দাসক সভাপতি, লক্ষী বৰাক কাৰ্যকৰী সভাপতি আৰু তপন ধলপুৰীয়াক সম্পাদক হিচাপে লৈ ইতিমধ্যে এখন উদযাপন সমিতি গঠন কৰা হৈছে।
লগতে বিত্ত, তথ্য, প্ৰচাৰ, মঞ্চ, পোহৰ, খাদ্য আৰু পৰিবহনৰ একোখনকৈ উপ-সমিতি প্ৰস্তুত কৰি নিজ নিজ কতব্যত মনোনিবেশ কৰা হৈছে। কাৰ্যসূচী অনুসৰি বিহু সন্মিলনৰ প্ৰথম দিনা ১১ মেত পুৱা ৭ বজাত বৃক্ষ ৰোপণ কৰিব ধলপুৰ ভিবজিঅ’ ক্লাবৰ সভাপতি পলাশ বানিয়াই আৰু সম্পাদক বসন্ত হাজৰিকাই।
