62
newsnextone.com ডিজিটেল ডেক্সঃ কাশ্মীৰৰ ‘ৰাইজিং কাশ্মীৰ’ কাকতৰ সম্পাদক চুজাত বুখাৰীৰ হত্যাকাণ্ড আৰু নিৰীহ লোকৰ হত্যাকাণ্ডৰ বিৰুদ্ধে বৃহস্পতিবাৰে আহ্বান জনোৱা বন্ধ কাৰ্যসূচী পুৱাৰে পৰা আৰম্ভ হোৱাৰ পূৰ্বে লিবাৰেচন ফ্ৰণ্টৰ প্ৰধান য়াছিন মালিকক আৰক্ষীয়ে গ্ৰেপ্তাৰ কৰে৷ আনহাতে বিচ্ছিন্নতাবাদী সংগঠন হুৰিয়ৎ কানফাৰেন্সৰ নেতা মিৰৱাইজ উমৰ ফাৰুকক গৃহবন্দী কৰে আৰক্ষীয়ে৷
বৃহস্পতিবাৰে নিজ ঘৰৰ পৰা য়াছিন মালিকক গ্ৰেপ্তাৰ কৰা হয়৷ কাশ্মীৰৰ কোথিবাগ আৰক্ষী থানাত আৱদ্ধ কৰে৷ আনহাতে পুৱাৰে পৰা গৃহবন্দী কৰে বিচ্ছিন্নতাবাদী সংগঠন হুৰিয়ৎ কানফাৰেন্সৰ নেতা ছৈঈদ আলী শ্বাহ গিলানী, মিৰৱাইজ উমৰ ফাৰুকক৷ এই তিনওগৰাকী নেতাই বন্ধৰ আহ্বান জনাইছিল৷
