নতুন দিল্লীঃ লোকসভাত যোৱা ৬ ফেব্ৰুৱাৰীত প্ৰধানমন্ত্ৰী নৰেন্দ্ৰ মোদীয়ে মিছা কথা কোৱাৰ প্ৰসংগ এতিয়া চৰ্চিত হৈ পৰিছে সংবাদ মাধ্যমসমূহত। এই ভাষণত প্ৰধানমন্ত্ৰীগৰাকীয়ে সংবিধানৰ ৩৭০ নং অনুচ্ছেদৰ সাল-সলনি কৰা আৰু নাগৰিকত্ব সংশোধনী আইন সন্দৰ্ভত কংগ্ৰেছ আৰু অন্যান্য বিৰোধী দলে গ্ৰহণ কৰি অহা স্থিতিৰ বিষয়টো উল্লেখ কৰে।
প্ৰধানমন্ত্ৰী মোদীয়ে উক্ত ভাষণত জন্মু-কাশ্মীৰৰ প্ৰাক্তন মুখ্যমন্ত্ৰী ওমৰ আব্দুলাই জন্মু-কাশ্মীৰ সন্দৰ্ভত কৰা এক মন্তব্যৰ উধৃতি দি কয়, ‘ওমৰ আব্দুল্লাই কৈছিল, ৩৭০ নং অনুচ্ছেদটো সংবিধানৰ পৰা উঠাই দিলে ভাৰতবৰ্ষ ভূমিকম্পৰ দৰে কঁপি উঠিব। কিয়নো তেনে কৰিলে কাশ্মীৰখন ভাৰতৰ পৰা আতৰি যাব। ফাৰুক আব্দুলাই কৈছিল যে ৩৭০ নং অনুচ্ছেদটো উঠাই দিলে কাশ্মীৰৰ জনসাধাৰণৰ বাবে স্বাধীনতাৰ পথ প্ৰশস্ত হৈ পৰিব! যদি ৩৭০ নং অনুচ্ছেদটো উঠাই দিয়া হয় তেন্তে কাশ্মীৰত ত্ৰিৰংগা উত্তোলন কৰা এজনো লোক বিচাৰি পোৱা নাযাব।’
