75
মৰিগাঁওঃ কুৱেইটৰ চাকৰি দিয়াৰ প্ৰলোভনেৰে আঠ লাখ লুটিলে প্ৰৱঞ্চকে৷ মৰিগাঁও জিলাৰ মিকিৰভেটা থানাৰ অন্তৰ্গত কলমৌবাৰীৰ নামা বস্তিৰ নিবাসী মেৰাজৰ ইছলামে লুটিলে আঠ লাখ৷ মৰিগাঁও জিলাৰ ভূৰবন্ধা আৰু জালুগুটিৰ ক্ৰমে মোস্তাক আহমেদ, চাজাহান বাদছাহ, ইমদাদুল ইছলাম আৰু ফিৰোদৰ ৰহমান নামৰ চাৰিজন যুৱকক চাকৰি দিম বুলি প্ৰতিজনৰ পৰা ২ লাখকৈ টকা লৈ আত্মসাৎ কৰে।
এই বিষয়ে মিকিৰভেটা থানাত অৱগত কৰাত কালি মেৰাজুৰক মিকিৰভেটা আৰক্ষীয়ে গ্ৰেপ্তাৰ কৰি আদালতত হাজিৰ কৰোৱাত আদালতে তেওঁক জেল হাজোতলৈ প্ৰেৰণ কৰে । এই চাৰিযুৱকক কুৱেইটত চাকৰি দিম বুলি যোৱা এবছৰ পূৰ্বে দুই ভাই ককাই মেৰাজুৰ ইছলাম আৰু চাজাহান আলীয়ে কুৱেইটত লৈ গৈছিল।
