নগাঁও-মৰিগাঁৱত গোসাই উলিওৱা উৎসৱ পালন

নগাঁওঃ প্ৰতিবছৰে মধ্য অসমৰ নগাঁও আৰু মৰিগাঁও জিলাৰ ৰাইজে পৰম্পৰাগতভাৱে পালন কৰি আহিছে ঐতিহাসিক গোসাঁই উলিওৱা উৎসৱ৷ ৰজাদিনীয়া উৎসৱটি বৰ্তমান সময়ত এই জিলা দুখনৰ জনজীৱনৰ এক অপৰিহাৰ্য অংগস্বৰূপ হৈ পৰিছে৷ আড়ম্বৰপূৰ্ণ ৰূপত পালিত এই উৎসৱটিয়ে জাতি-বৰ্ণ-ধৰ্ম নিৰ্বিশেষে সকলোৰে মাজত একপ্ৰকাৰ সমন্বয়ৰ সেতু ৰচনা কৰি আহিছে৷ 

সেয়ে বিগত বৰ্ষবোৰৰ দৰে এইবেলিও নগাঁও জিলাৰ হাতীচোং মৌজাৰ অন্তৰ্গত চমুৱাগাঁৱত গোসাঁই উলিওৱা উৎসৱটি উলহ-মালহেৰে উদযাপন কৰা হয়৷ হাতীচোং-কুৰুৱাবাহী সংযোগী পথৰ দাঁতিৰ উৎসৱস্থলীত অগণন লোকৰ সমাগমেৰে উৎসৱমুখৰ পৰিবেশৰ সৃষ্টি হয়৷