18 May

বিহাৰ, গোৱা, মণিপুৰ, মেঘালয়ত একক বৃহৎ দলক চৰকাৰ গঠন কৰিব দিয়াৰ দাবী

By NNO WEB BUREAU 0 Comments

newsnextone.com | ডিজিটেল ডেস্কঃ বিহাৰৰ একক বৃহৎ দল হৈছে লালু প্ৰসাদ যাদৱৰ আৰজেডি দল৷ কৰ্ণাটকৰ ৰাজ্যপালে কৰ্ণাটকত একক বৃহৎ দলক চৰকাৰ গঠনৰ সুবিধা প্ৰদানৰ পিছতে দেশৰ কেইবাখনো ৰাজ্যত একক বৃহৎ দলে চৰকাৰ গঠন কৰিব দিয়াৰ দাবীত সবল স্থিতি গ্ৰহণ কৰা দেখা গৈছে৷ উত্তৰ পূৰ্বাঞ্চলৰ মণিপুৰ, মেঘালয়, গোৱা, বিহাৰ আদি ৰাজ্যত চৰকাৰ গঠনৰ বাবে একক বৃহৎ দলে কুচকাৱাজ আৰম্ভ কৰিছে৷ 

বিহাৰৰ প্ৰাক্তন উপ-মুখ্যমন্ত্ৰী তথা লালু প্ৰসাদ যাদৱৰ পুত্ৰ তেজস্বী যাদৱে শুকুৰবাৰে আৰজেডিৰ বিধায়ক আৰু মিত্ৰজোঁটৰ বিধায়কসকলৰ সৈতে পথ যাত্ৰা আৰম্ভ কৰে৷ পথ যাত্ৰা কৰি ৰাজ্যপালক সক্ষাৎ কৰিব তেজস্বীয়ে৷ তেজস্বীয়ে কয় যে আমি সংখ্যাগৰিষ্ঠতা প্ৰতিপন্ন কৰিবলৈ সক্ষম বুলি প্ৰকাশ কৰে৷ আমি ৰাজ্যপালক সাক্ষাৎ কৰি চৰকাৰ গঠনৰ বাবে দাবী জনাম৷ আমাৰ সৈতে বহু দলৰ বিধায়কৰ সমৰ্থন আছে৷ দেখা যাব আগে আগে কি হয়৷

আৰজেডি আৰু আন আন দলৰ নেতাই পথ যাত্ৰা কৰি ৰাজ্যপাল সত্যপাল মালিকক সাক্ষাৎ কৰিব৷ যাৰ দ্বাৰা আৰজেডিয়ে বৃহৎ একক দল হোৱাৰ দাবী কৰিব৷ যাৰ বাবে আৰজেডিক চৰকাৰ গঠনৰ বাবে আমন্ত্ৰণ কৰিব লাগে বুলি কব৷

বৃহস্পতিবাৰে তেজস্বী যাদৱে কয় যে কৰ্ণাটকত যদি সকলোতকৈ ডাঙৰ দলে চৰকাৰ গঠনৰ সুবিধা লাভ কৰিছে তেনেদৰে বিহাৰত আৰজেডিয়ে চৰকাৰ গঠনৰ বাবে সুবিধা লাভ কৰা উচিত৷ আধাৰ মতে, যদি সকলোতকৈ ডাঙৰ দলে যদি চৰকাৰ গঠন কৰিব পাৰে তেন্তে বিহাৰত আৰজেডিক চৰকাৰ গঠনৰ সুবিধা দিয়া উচিত৷
বিহাৰৰ ৰাজ্যপালে চুৰি দুৱাৰেৰে জনমতক উপেক্ষা কৰি গঠন কৰা চৰকাৰ ভংগ কৰি সকলোতকৈ ডাঙৰ দলক চৰকাৰ গঠন কৰাৰ সুবিধা দিব লগা বুলি কয়৷

আনহাতে গোৱাত ১৩গৰাকী বিধায়কে ৰাজ্যপাল মৃদুলা সিঙক সাক্ষাৎ কৰে৷ ৰাজ্যপালক সাক্ষ্যৎ কৰি চৰকাৰ গঠনৰ বাবে সুবিধা প্ৰদান কৰাৰ দাবী জনায়৷ কংগ্ৰেছে উত্তৰ পূৰ্বাঞ্চলৰ দুখন ৰাজ্য মণিপুৰ আৰু মেঘালয়ত এতত বৃহৎ দলক চৰকাৰ গঠন কৰিব দিয়াৰ দাবী উত্থাপন কৰিছে৷ মণিপুৰ আৰু মেঘালয়ত কংগ্ৰেছ একক বৃহৎ দল৷ মণিপুৰৰ প্ৰাক্তন মুখ্যমন্ত্ৰী তথা কংগ্ৰেছ নেতা অ’ক্ৰাম ইববি সিঙে কংগ্ৰেছক আস্থা ভোট অনুষ্ঠিত কৰাৰ সুবিধা দিয়াৰ দাবী উত্থাপন কৰে৷ 

যোৱা মণিপুৰ বিধানসভা নিৰ্বাচনত ৬০ খন আসনৰ ভিতৰত ২৮ খন আসন লাভ কৰিছিল কংগ্ৰেছে৷ বিজেপিয়ে লাভ কৰিছিল ২১ খন আসন৷ নগা পিপলছ ফ্ৰণ্টৰ আন আন দলৰ সৈতে লগলাগি বিজেপিয়ে চৰকাৰ গঠন কৰিছিল৷

টাইমছ নাৱক দিয়া এটা সাক্ষাৎকাৰত প্ৰাক্তন মণিপুৰৰ মুখ্যমন্ত্ৰীগৰাকীয়ে যেনেদৰে কৰ্ণাটকত বৃহৎ দলক চৰকাৰ গঠন কৰাৰ সুবিধা দিছে তেওঁলোকক দিয়া উচিত বুলি কয়৷ আনহাতে কংগ্ৰেছৰ এটা প্ৰতিনিধি দলে শুকুৰবাৰে ৰাজ্যপালক সাক্ষাৎ কৰি এই দাবী উত্থাপন কৰিব৷ 

গোৱা কংগ্ৰেছৰ নেতা জ্যোতিষ নাঈকে কয় যে ২০১৭ চনত আমি ১৭গৰাকী বিধায়ক জয়ী হৈ সকলোতকৈ ডাঙৰ দল প্ৰতিপন্ন হৈছো৷ কিন্তু ৰাজ্যপালে বিজেপিক আমন্ত্ৰণ কৰিলে চৰকাৰ গঠনৰ বাবে৷ যাৰ সৈতে ১৩গৰাকী বিধায়ক আছে৷ কৰ্মআটকৰ ৰাজ্যপালে সকলোতকৈ বেছি বিধায়ক থকা দলক চৰকাৰ গঠনৰ বাবে আমন্ত্ৰণ কৰিছে তেনদৰে আমাকো ৰাজ্যপালে চৰকাৰ গঠনৰ বাবে আমন্ত্ৰণ কৰিব লাগে৷