ছ’চিয়েল মিডিয়াত এটা খবৰে এইকেইদিন খুব চৰ্চা লাভ কৰিছে। খবৰটো শ্বেয়াৰো হৈছে বহুত। হয়তো আপুনিও ফেচবুক, হোৱাটছএপত সেয়া পাব পাৰে। এয়া পিছে খবৰ বুলি নকৈ দাবী বা আহ্বান বুলিও ক’ব পাৰি। কথাখিনি আছিল এনে ধৰণৰঃ যদি আপোনাৰ ভোটাৰ আই ডি কাৰ্ডখন আধাৰ কাৰ্ডৰ সৈতে লিংক নকৰে তেন্তে আপুনি ভোট দিব নোৱাৰে। লিংক কৰাৰ অন্তিম তাৰিখ ৩০ ছেপ্তেম্বৰ,২০১৯। ফেচবুক আৰু হোৱাটছএপত বেছিকৈ শ্বেয়াৰ হোৱা হিন্দী ভাষাৰ কথাখিনি আমি হুবহু তুলি দিলো।

কংগ্ৰেছৰ সাংসদ শশী থাৰুৰে জৱাহাৰলাল নেহৰু আৰু ইন্দিৰা গান্ধীৰ এখন ফটো টুইট কৰা লগালগ ছ’চিয়েল মিডিয়াত ভাইৰেল হৈ পৰে৷ ফটোখনত জৱাহাৰলাল নেহৰু আৰু ইন্দিৰা গান্ধীক দেখা গৈছে জনসমুদ্ৰৰ মাজত৷ তেওঁলোকে এখন গাড়ীত উঠি জনসাধাৰণ অভিবাদন হাঁহি হাঁহি গ্ৰহণ কৰি আছে৷ থাৰুৰে ফটোখন জৱাহাৰলাল নেহৰু আৰু ইন্দিৰা গান্ধীয়ে ১৯৫৪ চনত কৰা আমেৰিকাৰ ভ্ৰমণৰ বুলি উল্লেখ কৰিছিল৷

মহাকাশৰ পৰা তোলা জোনবাইৰ পৃষ্ঠভাগৰ এখন ফটো ছ’চিয়েল মিডিয়াত ইছৰোৱে প্ৰকাশ কৰা 'বিক্ৰম লেণ্ডাৰ’ৰ ফটো হিচাপে ভাইৰেল হৈ পৰিছে। ফটোখনৰ লগতে তাত লিখা হৈছে, 'চন্দ্ৰক প্ৰদক্ষিণ কৰি থকা অৰ্বিটাৰে সংগ্ৰহ কৰা বিক্ৰম লেণ্ডাৰৰ এই থাৰ্মেল ফটোখন ইছৰোৱে প্ৰকাশ কৰিছে।’ এই ফটোখন হয়তো আপুনিও শ্বেয়াৰ কৰিব পাৰে।

৭৪ দিনীয়া সুদীৰ্ঘ যাত্ৰা কালৰ অন্তত যোৱা ৭ ছেপ্টেম্বৰত চন্দ্ৰযান-২ৰ বিক্ৰম লেণ্ডাৰৰ চন্দ্ৰপৃষ্ঠলৈ আৰু ২.১ কিলোমিটাৰ থকা অৱস্থাত ভাৰতীয় মহাকাশ গৱেষণা সংস্থা চমুকৈ ইছৰোৰ বাংলালুৰুস্থিত কেন্দ্ৰৰ সৈতে যোগাযোগ বিচ্ছিন্ন হৈ পৰে।

চন্দ্ৰযান-২ৰ বিফলতাৰ ফূৰ্তিত ৰসগোল্লা খাওতে ডিঙিত লাগি মৃত্যু বাংলাদেশীৰ। এটা বাতৰিৰ শিৰোনাম। বাতৰিটো ইতিমধ্যে অসমৰ নেটিজেনসকলৰ মাজত একপ্ৰকাৰ ভাইৰেল হৈ পৰিছে। হয়তো বাতৰিটো  আপুনিও শ্বেয়াৰ কৰিছে। বাতৰিটোত আৰু কোৱা হৈছে যে চন্দ্ৰযান–২ৰ বিফলতাক লৈ ভাৰতত নিৰাশাৰ পৰিৱেশে বিৰাজ কৰাৰ বিপৰীতে বাংলাদেশত একাংশ লোকে উৎসৱ পালন কৰিছে। পিছে এই বাতৰি কিমান সত্য? মানুহৰ মৃত্যু ঘটিব পৰাকৈ ৰসগোল্লা সঁচাকৈয়ে ডিঙিত লাগি ধৰিব পাৰেনে? 

ক’ত প্ৰকাশ পাইছে এই বাতৰি?