গোলাঘাট : গোলাঘাট জিলাত যোৱা কালি ক'ভিড19ৰ ৩৪,১০০ পালি প্ৰতিষেধক প্ৰদান কৰা হয় । এটা দিনত এই অভিলেখ পৰিমাণৰ প্ৰতিষেধক প্ৰদান কৰা গোলাঘাট জিলা ৰাজ্যৰ ভিতৰতে প্ৰথম হিচাপে পৰিগণিত হৈছে । ইয়াৰ পূৰ্বে কামৰূপ মহানগৰ জিলাত একেদিনাই ২৭,৮০০ পালি প্ৰতিষেধক প্ৰদান কৰা হৈছিল ।
গোলাঘাট জিলা প্ৰশাসন তথা জিলা স্বাস্থ্য বিভাগে যোৱা কালি প্ৰায় ৩০ হাজাৰ পালি প্ৰতিষেধক প্ৰদানৰ লক্ষ্য নিৰ্ধাৰণ কৰিছিল । সেই অনুসৰি যোৱা কালি জিলাখনৰ বিভিন্ন ঠাইত স্থাপন কৰা ৯৪ টা কেন্দ্ৰত বিভিন্ন বয়সৰ লোকক ৩৪,১০০ পালি প্ৰতিষেধক প্ৰদান কৰা হয় । যোৱা কালি প্ৰতিষেধক প্ৰদান কেন্দ্ৰসমূহৰ ভিতৰত ভালেমান কেন্দ্ৰ চাহ বাগিচাত স্থাপন কৰা হৈছিল । সম্পূৰ্ণ স্বাস্থ্য বিধি মানি প্ৰতিষেধক প্ৰদান কেন্দ্ৰসমূহত ১৮ বছৰ বয়সৰ উৰ্ধৰ লোকক চৰ্তহীনভাৱে যিকোনো পালি প্ৰতিষেধক প্ৰদান কৰা হয় ।
জিলা প্ৰশাসনে বিনাদ্বিধাই প্ৰতিষেধক গ্ৰহণ কৰিবলৈ ৰাইজৰ প্ৰতি পুনৰ আহ্বান জনাইছে । যোৱা কালি হৈ যোৱা মেগা ভেকচিনেছন অভিযানত গোলাঘাট জিলাৰ উপায়ুক্ত শ্ৰীযুত মৃগেশ নাৰায়ণ বৰুৱাই বোকাখাত আৰু নুমলীগড়ৰ বিভিন্ন প্ৰতিষেধক প্ৰদান কেন্দ্ৰ পৰিদৰ্শন কৰে ।
আমাৰ লক্ষ্য 'News Next One’ক মুক্ত আৰু স্বতন্ত্ৰ সংবাদ প্ৰতিষ্ঠান হিচাপে গঢ়ি তোলা। কিন্তু আপোনাৰ আৰ্থিক সহায় অবিহনে মুক্ত আৰু স্বতন্ত্ৰ সাংবাদিকতা কৰাতো আমাৰ পক্ষে অসম্ভৱ। সোঁতৰ বিপৰীতমুখী এই সাংবাদিকতাৰ ধাৰা অব্যাহত ৰাখিবলৈ আমাক আৰ্থিকভাৱে সহায় কৰক। আমাৰ বেংক একাউণ্ট নম্বৰঃ NEWSNEXTONE.COM, A/C No: 50200046365374, IFSC: HDFC0000758, HDFC BANK, Noonmati Branch।