লংকাঃ হোজাই জিলাৰ লংকাস্থিত ভাৰতীয় ষ্টেট বেংক অৱ ইণ্ডিয়াৰ লংকা শাখাত আজি দুপৰীয়া হঠাৎ আতংকময় পৰিস্থিতিৰ সৃষ্টি হয়।

বেংকৰ শাখাটোত থকা থকা ৰান্ধনি ঘৰৰ চিলিণ্ডাৰৰ পৰা বেংকত অগ্নিকাণ্ডৰ সূত্ৰপাত হোৱাত হুৱা-দুৱা লাগে গ্ৰাহক তথা বেংক কৰ্তৃপক্ষৰ মাজত।

বেংকৰ কৰ্মীয়ে অপ্ৰাণ চেষ্টা চলাই জুই নুমুৱাবলৈ সক্ষম হোৱাত কথমপি ৰক্ষা পৰে বহু লোকৰ প্ৰাণ। ৰান্ধনি ঘৰত হোৱা অগ্নিকাণ্ডৰ ফলত বেংকৰ ৰান্ধনীজন আহত হয়।

আঘাত প্ৰাপ্ত ৰান্ধনীজন বৰ্তমান লংকা প্ৰাথমিক চিকিৎসালয়ত চিকিৎসাধীন হৈ আছে। উক্ত ঘটনাৰ পাছত বহু সময় ধৰি বেংক তথা কাষৰীয়া অঞ্চলৰ ৰাইজৰ মাজত আতংকময় পৰিৱেশে বিৰাজ কৰে।