গুৱাহাটীঃ গুৱাহাটী লোকসভা সমষ্টিত পুৱাই নিজৰ ভোটাধিকাৰ সাব্যস্ত কৰিলে প্ৰাক্তন আৰক্ষীৰ সঞ্চালক প্ৰধান তথা বিশিষ্ট কবি, চিন্তাবিদ হৰেকৃষ্ণ ডেকাই।
লাচিত নগৰ প্ৰাথমিক বিদ্যালয়ত ভোটাধিকাৰ সাব্যস্ত কৰি ডেকাই বিস্ফোৰক অভিযোগ কৰি কয় যে ব্যাপক খেলি-মেলিৰ মাজেৰে অনুষ্ঠিত হৈছে তৃতীয় পৰ্যায়ৰ ভোটগ্ৰহণ প্ৰক্ৰিয়া।
তেওঁ ভোটাধিকাৰ সাব্যস্ত কৰি সংবাদ মাধ্যমৰ আগত কয়, 'ভোটদানৰ বাবে বুটাম টিপিলোঁ এঠাইত, কিন্তু ভোট পৰিল বেলেগত'।
লগতে তেওঁ ভোট কেন্দ্ৰতোৰ বিৰুদ্ধে অভিযোগ উথাপন কৰি কয় লাচিত নগৰৰ প্ৰাথমিক বিদ্যালয়ত পলমকৈ আৰম্ভ হৈছে ভোটগ্ৰহণ।
ডেকাই এই ক্ষেত্ৰত নিৰ্বাচন আয়োগৰ ওপৰত তীব্ৰ ক্ষোভ ব্যক্ত কৰা দেখা গ’ল।