গুৱাহাটীঃ দিনে দিনে উন্নতিৰ পথত আগবঢ়ি গৈ থকা দেশৰ স্বাস্থ্যখণ্ডই কিন্তু সকলো ৰাজ্যতে সমানে উন্নতি কৰিব পৰা নাই। অসমৰেই চিকিৎসাৰ ক্ষেত্ৰত নাই প্ৰয়োজন অনুপাতে চিকিৎসক৷ চিকিৎসকৰ অভাৱত চৰকাৰী চিকিৎসালয়ৰ শোষনীয় অৱস্থা৷ আজিকোপতি হৈ উঠা নাই এই পংগুসদৃশ অৱস্থাৰ উন্নতি৷
উল্লেখযোগ্য যে, ১৯৬০ত আমেৰিকাত,১৯৯০ত অষ্ট্ৰেলিয়াত, ২০১০ত নিউজিলেণ্ড আদিৰ দৰে আগশাৰীৰ দেশত জনসাধাৰণৰ সেৱাৰ বাবে আৰু চিকিৎসকৰ অভাৱ দূৰ কৰিবৰ বাবে এক অভিনৱ পন্থা গ্ৰহন কৰিছিল৷ ‘নাৰ্চ প্ৰেকটিচনাৰ ইন ক্ৰিটিকেল কেয়াৰ প্ৰোগ্ৰেম’ নামৰ এক শিক্ষা ব্যৱস্থাৰ আৰম্ভণি কৰি স্বাস্থ্যখণ্ডত এক নৱ জাগৰণৰ সৃষ্টি কৰে৷ এই শিক্ষা ব্যৱস্থা গ্ৰহণ কৰাৰ ফলত কোনো জৰুৰীকালীন অবস্থাত চিকিৎসক নাথাকিলেও এগৰাকী নাৰ্চে দায়িত্ব সহকাৰে সফলভাৱে স্বাস্থ্যসেৱা আগবঢ়োৱাব পাৰিব৷
পলমকৈ হ’লেও ভাৰতৰ দৰে এখন জনবহুল দেশত অধিক প্ৰয়োজনীয় এই শিক্ষাৰ ২০১৬ত কেন্দ্ৰীয় চৰকাৰে আৰম্ভনি কৰে৷ যদিও বৰ্তমানলৈ সমগ্ৰ ভাৰতত এই শিক্ষা বিয়পিব পৰা নাই৷ মাত্ৰ দহ খন ৰাজ্যত হে এই ব্যৱস্থা আছে৷ যাৰ কাৰণে আজিও বহুতো ৰোগী চিকিৎসকৰ অভাৱত বিনা চিকিৎসাই মৃত্যুক সাৱটিব লগা হ’য়৷
সুখৰ খবৰ যে, চলিত বৰ্ষৰ নৱেম্বৰ মাহৰ পৰা অসমতো নাৰ্চৰ বাবে এই ‘নাৰ্চ প্ৰেকটিচনাৰ ইন ক্ৰিটিকেল কেয়াৰ প্ৰোগ্ৰেম’ শিক্ষাৰ আৰম্ভ হ’ব৷ বৃহস্পতি বাবে গুৱাহাটী প্ৰেছ ক্লাৱত এক সংবাদ মেল অনুষ্ঠান কৰি এ আই এন ইৰ অধ্যক্ষা ড০ উন্মনা বৰগোঁহাই শইকীয়াই এই শিক্ষা ব্যৱস্থাৰ সম্পূৰ্ণ তথ্য দাঙি ধৰে৷ তেওঁৰ লগতে সভা খনত উপস্থিত আছিল এ আই এন ইৰ উপ-অধ্যক্ষা ৰঞ্জু ৰাণী দাস, সহ অধ্যাপিকা মিটালী বৰ্মণৰ লগতে অন্য বিষয়ববিয়া সকল৷