ৰঙিয়াঃ গুৱাহাটী গণেশগুৰিৰ নিউটেক ইণ্ডিয়া নামৰ এটা প্ৰতিষ্ঠানৰ প্ৰায় বাৰ লাখ টকাৰ টাৱাৰ নিৰ্মানৰ সামগ্ৰীসহ নগাঁও দিশে গৈ থকা অৱস্থাত চুৰি হোৱা বলেৰ’ পিক আপ ভান এখনৰ লগতে এখন ইক’ ভান বুধবাৰে ৰঙিয়া গুৰুকুছি ৰে’ল গে’টৰ সমীপত উদ্ধাৰ হয়।
ৰঙিয়া আৰক্ষীয়ে চুৰি হোৱা বাহন দুখন এনেদৰে ৰঙিয়াত ৰাখি থোৱা অৱস্থাত খবৰ পোৱাত গৰাকীক খবৰ দিয়া হয়। জানিব পৰা মতে গনেশগুৰিৰপৰা ব’লেৰ’খন চুৰি হোৱাৰ লগতে মাৰুতি ইক’ ভানখন চুৰি হৈছিল গুৱাহাটী সাতগাঁৱৰপৰা।
দিনৰ ভাগত উদ্ধাৰ হোৱা গাড়ী দুখনৰ লগতে আৰক্ষীয়ে ঘটনাস্থলীত আন কেইবাখনো বাহনৰ নথি-পত্ৰৰ লগতে বিলাতি সুৰাৰ খালি বটল কেইবাটাও উদ্ধাৰ কৰে।
লগে লগে ৰঙিয়া আৰক্ষীয়ে তদন্ত তীব্ৰতৰ কৰি বলেৰ’ পিক আপ ভানখনৰ লগতে চুৰি হোৱা বাৰ লাখ টকাৰ চুৰি সামগ্ৰী ৰঙিয়াৰ উদিয়ানাৰ উত্তৰ পথাৰৰ আখতাৰ হাছানৰ ঘৰৰপৰা উদ্ধাৰ কৰে অভিযানকাৰী দলে।
জানিব পৰা পতে চুৰি সামগ্ৰী উদ্ধাৰ হোৱা ঘৰটোৰ গৰাকী আখতাৰ হুছেইন পলাতক অৱস্থাত আছে।