ডিজিটেল ডেস্কঃ কাশ্মীৰত সন্ত্ৰাসবাদীৰ বিৰুদ্ধে অধিক কঠোৰ হৈ পৰিছে সেনা৷ আজি ৰাজ্যখনত সেনাৰ গুলীত নিহত হয় সন্ত্ৰাসবাদী সংগঠন হিজবুল মুজাহিদিনৰ কমাণ্ডাৰ সবজাৰ আহমেদ ভাট।
দুধৰ্ষ সন্ত্ৰাসবাদীজন অঞ্চলটোৰ এটা বাসগৃহত আত্মগোপন কৰা বুলি খবৰ পাইছিল সেনাই৷ সন্ত্ৰাসবাদীজনৰ লগত আৰু ২ জন সন্ত্ৰাসবাদীও আছিল৷ অৱশ্যে এই দুই সন্ত্ৰাসবাদীৰ বিষয়ে সেনাৰ ওচৰত নাই বিশেষ তথ্য৷
বিগত বৰ্ষৰ জুলাইত বুৰহান ৱানিৰ মৃত্যুৰ পিছত দলটোৰ কমাণ্ডাৰৰ দায়িত্ব লাভ কৰিছিল সবজাৰে। আনহাতে আজি পুৱা ৰামপুৰ চেক্টৰত সেনাৰ গুলিত ৬ সন্ত্ৰাসবাদী নিহত হয়৷
পাকিস্তানৰ পৰা ভাৰতত অনুপ্ৰৱেশৰ চেষ্টা চলাওতেই সেনাৰ গুলীত সন্ত্ৰাসবাদীকেইজন ধৰাশায়ী হয় বুলি জানিব পৰা গৈছে।