newsnextone.com | ডিজিটেল ডেস্কঃ কৰ্ণাটক বিধান সভাৰ নিৰ্বাচনৰ ২২২ খন আসনৰ ভোটগণনা মঙলবাৰে পুৱাৰে পৰা আৰম্ভ হৈছে৷ এতিয়ালৈ ঘোষণা কৰা ফলাফল অনুসৰি বিজেপিয়ে ৯০ খন আসনত জয়ী হৈছে আনহাতে ১৪ খন আসনত আগবাঢ়ি আছে৷ 

কংগ্ৰেছে এতিয়া লৈ ৬০ খন আসনত জয়ী হোৱাৰ লগতে ১৮ খন আসনত আগবাঢ়ি আছে৷ জেডিএছে ২৮ খন আসনত জয়ী হোৱাৰ লগতে ১০ খন আসনত আগবাঢ়ি আছে৷ 

প্ৰতিটো দলেই সংখ্যালঘু হ’ব সেয়া খাটাং৷ সংখ্যাগৰিষ্ঠতা লাভ কৰিব নোৱাৰে কোনেও৷ জল্পনা-কল্পনা চলি থকাৰ সময়তে, ছোনীয়া গান্ধীয়ে এইচ ডি দেৱগৌড়াৰ সৈতে ফোনত কথা পাতে বুলি খবৰ আহিছে৷ জেডিএছক মুখ্যমন্ত্ৰী পদৰ অফাৰ কৰিছিল ছোনীয়াই৷ এই প্ৰস্তাৱ জেডিএছে গ্ৰহণ কৰা বুলি খবৰ আহিছে৷ দুয়োটা দলে লগ লাগি চৰকাৰ গঠন কৰিব বুলি খবৰ প্ৰকাশ হৈছে৷