newsnextone.com | ডিজিটেল ডেস্কঃ বিবাদস্পষ্ট মন্তব্যৰে সদায় চৰ্চাৰ শীৰ্ষত থকা বিজেপি নেতা বিনয় কাতিয়াৰ পুনৰ এবাৰ চৰ্চালৈ আহিছে৷ ইউনিচেফৰ ব্ৰেণ্ড এম্বেছাদৰ তথা অভিনেত্ৰী প্ৰিয়ংকা চোপ্ৰাক লৈ কৰা এক মন্তব্যৰ বাবেই কাতিয়াৰে পুনৰ এবাৰ চৰ্চা লাভ কৰিছে৷

উল্লেখ্য যে, ইউনিচেফৰ শান্তিদূত হিচাপে প্ৰিয়ংকা চোপ্ৰাই সোমবাৰে বাংলাদেশত থকা ৰোহিংগীয়া কেম্পত উপস্থিত হৈছিল৷ প্ৰিয়ংকা চোপ্ৰাই ৰোহিংগীয়া সকলক সাক্ষাত কৰি তেওঁলোকৰ অৱস্থাৰ বুজ লৈছিল৷ পিছত ৰোহিংগীয়া সকলৰ সৈতে উঠা ফটো নিজৰ ইনষ্টাগ্ৰাম যোগে প্ৰকাশ কৰি এক গম্ভীৰ পোষ্ট কৰিছিল অভিনেত্ৰীগৰাকীয়ে৷

I’m in Cox’s Bazar, Bangladesh today for a field visit with UNICEF, to one of the largest refugee camps in the world. In the second half of 2017, the world saw horrific images of ethnic cleansing from the Rakhine State of Myanmar(Burma). This violence drove nearly 700,000 Rohingya across the border into Bangladesh - 60% are children! Many months later they are still highly vulnerable, living in overcrowded camps with no idea when or where they will ever belong...even worse, when they will get their next meal. AND...as they finally start to settle and feel a sense of safety, monsoon season looms...threatening to destroy all that they’ve built so far. This is an entire generation of children that have no future in sight. Through their smiles I could see the vacancy in their eyes. These children are at the forefront of this humanitarian crisis, and they desperately need our help. The world needs to care. We need to care. These kids are our future. Pls Lend your support at www.supportunicef.org #ChildrenUprooted @unicef @unicefbangladesh Credit: @briansokol @hhhtravels

A post shared by Priyanka Chopra (@priyankachopra) on May 21, 2018 at 6:27am PDT

আনফালে, বাংলাদেশৰ কেম্পত থকা ৰোহিংগীয়াসকলক প্ৰিয়ংকা চোপ্ৰাই সাক্ষাত কৰাটো সহজ ভাৱে ল’ব নোৱাৰিলে বিতৰ্কিত নেতা বিনয় কাতিয়াৰে৷

তেওঁ সংবাদমাধ্যমৰ আগত প্ৰিয়ংকা চোপ্ৰাক কটাক্ষ কৰি কয়, ‘‘প্ৰিয়ংকা চোপ্ৰাই ৰোহিংগীয়া সকলৰ বিষয়ে একো নাজানে৷ তেওঁ ৰোহিংগীয়া শৰণাৰ্থী সকলক লগ কৰিব নালাগিছিল৷’’ কাতিয়াৰে পুনৰ কয় যে ৰোহিংগীয়া শৰণাৰ্থী সকলক এই দেশত বাস কৰাৰ অনুমতি দিব নালাগে৷

আনাহাতে যি লোকে ৰোহিংগীয়াসকলক লৈ দুখ প্ৰকাশ কৰে, তেনে লোককো এই দেশত থাকিবলৈ অনুমতি দিব নালাগে বুলিও সংবাদ মাধ্যমৰ আগত বিষ্ফোৰক মন্তব্য কৰে বিনয় কাতিয়াৰে৷

আনফালে প্ৰিয়ংকা চোপ্ৰাৰ বাংলাদেশ ভ্ৰমণৰ পিছতে বিভিন্ন জনে তেওক ছচিয়েল মাধ্যমত তীক্ষ্ন প্ৰশ্ন সোধা পৰিলক্ষিত হয়৷ প্ৰিয়ংকা চোপ্ৰাই দিল্লীলৈ আহিলে কাশ্মীৰি পণ্ডিত সকলৰ কিয় সাক্ষাত নকৰে বুলিও বিভিন্ন জনে প্ৰশ্ন উত্থাপন কৰে৷