ডিজিটেল ডেস্কঃ দীপাৱলীৰ আনন্দ উলাহৰ মাজতে কলকাতাত সংঘটিত হয় ভয়াবহ অগ্নিকাণ্ড৷ শ্বেক্সপীয়েৰ কলনিৰ জীৱন সুধা বিল্ডিঙত সংঘটিত হয় এই অগ্নিকাণ্ড৷
১৬ মহলাৰ বিল্ডিঙটোৰ বেংকৰ চাৰ্ভাৰৰ কোঠাত সংঘটিত অগ্নিকাণ্ড একাংশ লোকে প্ৰত্যক্ষ কৰি প্ৰশাসনক খবৰ দিয়ে৷ অগ্নিনিৰ্বাপক বাহিনীৰ প্ৰায় ১০ খন গাড়ীয়ে অগ্নি নিৰ্বাপনৰ চেষ্টা অব্যাহত ৰাখিছে যদিও সফল হ’ব পৰা নাই৷
পুৱা প্ৰায় ১০.২০ বজাত স্থানীয় লোকে বিল্ডিঙৰ পৰা ধোৱা ওলোৱা প্ৰত্যক্ষ কৰে৷ কিছু সময় পিছতে অগ্নিকাণ্ডই ভয়াবহ ৰূপ লয়৷ ততাতৈয়াকৈ বিল্ডিঙৰ পৰা যিয়ে যেনেকৈ পাৰে তললৈ নামি আহে৷ জানিব পৰা মতে, বিল্ডিঙটোত কেইবাটাও কাৰ্যালয় আছে৷ দীপাৱলী উপলক্ষে বন্ধ থকাৰ বাবে মানুহৰ উপস্থিতি কম আছিল৷