জাজৰিঃ কেইদিনমানৰ আগতে নগাঁও জিলাৰ জাজৰি আৰক্ষীয়ে ৩৫ লাখকৈ টকা উদ্ধাৰ কৰাৰ পাছত মঙলবাৰে আকৌ আৰক্ষীৰ তালাচীত এক লাখৰো অধিক টকা এখন টাটা মবাইল গাড়ীৰপৰা উদ্ধাৰ কৰা হয়।
আৰক্ষী সূত্রৰ পৰা জানিব পৰা মতে, আজি বিয়লি প্ৰায় ৫ মান বজাত নগাঁও-মৰিগাঁও সংযোগী গড়কাপ্টানি পথৰ কাকমাৰি চাৰিআলিত জাজৰি থানাৰ এএছআই খৰচিং টেৰাঙৰ নেতৃত্বত তালাচী চলাই থকা অৱস্থাত এএছ ০১ আৰ ২৯৭১ নম্বৰৰ টাটা ম’বাইলখনত এক লাখ এশ নব্বৈ টকা উদ্ধাৰ কৰিবলৈ সক্ষম হয়।
আৰক্ষীয়ে গাড়ীখনত অহা সমীৰ পাল, গৌৰাংগ পাল আৰু থানেশ্বৰ ডেকাৰ লগতে গাড়ী আৰু টকা থানালৈ লৈ আহে আৰু সোধ পোছ অব্যহত ৰাখিছে।