খাৰুপেটীয়াঃ দৰঙৰ দলগাঁও থানাৰ অন্তৰ্গত বেছিমাৰী তেল ডিপুৰ সন্মুখত ১৫ নং ৰাষ্ট্ৰীয় ঘাই পথত বুধবাৰে সংঘটিত হয় এক ভয়াবহ পথ দুৰ্ঘটনা৷ 

প্ৰাপ্ত তথ্য মতে দলগাঁও টাউন এল পি স্কুলৰ শিক্ষয়িত্ৰী আৰু তেওঁৰ স্বামী  নম্বৰ বিহীন স্কুটী এখনৰে তেজপুৰ অভিমুখে গৈ থকা অৱস্থাত একেই দিশে গৈ থকা চাৰি চকীয়া (As 01 AG 0611) নম্বৰৰ Swift Desire গাড়ীখনে  তীব্ৰ বেগেৰে স্কুটীখনত খুন্দিওৱাৰ  ফলত স্কুটীখনৰ পিছফালে থকা শিক্ষয়িত্ৰীগৰাকী থিতাতে নিহত হয় ৷

মৃত শিক্ষয়িত্ৰী গৰাকীৰ নাম উষা ৰাণী দাস বুলি জানিব পৰি গৈছে৷ গুৰুতৰভাৱে আহত হয় মহিলাগৰাকীৰ স্বামী ডালিম মেধি৷ দলগাঁৱৰ সমাজ সেৱক দিলোৱাৰ হুছেইনে সংবাদ মাধ্যমক জনোৱা মতে মহিলা গৰাকীৰ আজি বিবাহ বাৰ্ষিকী আছিল৷ 

আজিৰ এই দিনটোত শিক্ষয়িত্ৰীগৰাকীয়ে দুৰ্ঘটনাত পতিত হৈ মৃত্যুক আকোঁৱালী লোৱাত সমগ্ৰ দলগাঁও অঞ্চলত শোকৰ ছাঁ পৰিছে৷ উক্ত দুৰ্ঘটনা সংঘটিত হোৱাৰ ফলত বেছিমাৰীৰ মাজেৰে পাৰ হৈ যোৱা ১৫ নং ৰাষ্ট্ৰীয় ঘাইপথত প্ৰায় ১ ঘন্টা মান সময় যান বাহন চলাচল ব্যহত হৈ পৰে৷