লিডুঃ পেঙেৰী আৰক্ষী থানাৰ অন্তৰ্গত পুলিবৰত মঙলবাৰে সংঘটিত হয় এক শোকাৱহ পথ দুৰ্ঘটনা। পেঙেৰীৰ দিশৰপৰা গৈ থকা এখন নম্বৰ প্লেটবিহীন ছুপাৰ স্প্লেণ্ডাৰ বাইকে বিপৰীত দিশৰপৰা অহা AS23 BC 9402 নম্বৰৰ এখন এপে বাহনক সন্মুখৰপৰা প্ৰচণ্ড জোৰেৰে খুন্দা মৰাত বাইকত থকা আৰোহী দুজন ছিটিকি পৰে ৰাজপথত।

সংকটজনক অৱস্থাত দুয়োজনকে ডিগবৈ চিভিল হাস্পতাললৈ প্ৰেৰণ কৰা হয় যদিও এজনৰ মৃত্যু হোৱা বুলি জানিব পৰা গৈছে৷ মৃত্যু হোৱা লোকজনৰ নাম মন নেওগ বুলি জানিব পৰা গৈছে৷  আনহাতে নৰেণ বৰা নামৰ আনজন লোক অতি সংকটজন অৱস্থাত চিকিৎসালয়ত ভৰ্তি হৈ আছে৷ 

দুয়োজন বাইক আৰোহীৰ ঘৰ বৰডুমচাৰ মহং গাঁৱত৷