ভাৰতীয় ছুপাৰ কম্পিউটাৰৰ পিতৃপুৰুষৰূপে খ্যাত ড০ বিজয় পাণ্ডৰাংগ ভাট্কাৰ এতিয়া ইতিহাসপ্ৰসিদ্ধ নালন্দা বিশ্ববিদ্যালয়ৰ উপাচাৰ্য পদত অধিস্থিত কৰা হয়। ১৯৪৬ চনৰ ১১ অক্টোবৰত জন্ম গ্ৰহণ কৰা ড° ভাট্কাৰে দিল্লীৰ ভাৰতীয় প্ৰযুক্তি প্ৰতিষ্ঠানত শিক্ষা গ্ৰহণ কৰি পুনেৰ চেন্টৰ অব ডেভলপমেন্ট অব এডভান্স কম্পিউটিঙত সেৱা আগবঢ়াই ভাৰতৰ্ষৰ ছুপাৰ কম্পিউটাৰৰ বিকাশৰ নেতৃত্ব গ্ৰহণ কৰিছিল। উল্লেখ্য যে ১৯৯১ চনত দেশৰ প্ৰথমটো ছুপাৰ কম্পিউটাৰ 'পৰম'ক কাৰ্যক্ষম কৰা হৈছিল। ঐতিহ্যমণ্ডিত নালন্দা বিশ্ববিদ্যালয়ৰ ভূতপূৰ্ব উপাচাৰ্য গোপা সাভাৰৱালে ২০১৬ চনৰ ২৪ নৱেম্বৰত পদত্যাগ কৰাত এই পদটো ইমান দিনে খালী হৈ আছিল। পদ্মভূষণ ড০ বিজয় পাণ্ডৰাংগ ভাট্কাৰৰ নিযুক্তিয়ে বিশ্ববিদ্যালয়খনলৈ আনন্দৰ বতৰা কঢ়িয়াই আনিছে।
আমাৰ লক্ষ্য 'News Next One’ক মুক্ত আৰু স্বতন্ত্ৰ সংবাদ প্ৰতিষ্ঠান হিচাপে গঢ়ি তোলা। কিন্তু আপোনাৰ আৰ্থিক সহায় অবিহনে মুক্ত আৰু স্বতন্ত্ৰ সাংবাদিকতা কৰাতো আমাৰ পক্ষে অসম্ভৱ। সোঁতৰ বিপৰীতমুখী এই সাংবাদিকতাৰ ধাৰা অব্যাহত ৰাখিবলৈ আমাক আৰ্থিকভাৱে সহায় কৰক। আমাৰ বেংক একাউণ্ট নম্বৰঃ NEWSNEXTONE.COM, A/C No: 50200046365374, IFSC: HDFC0000758, HDFC BANK, Noonmati Branch।