দিগন্ত বৰ্মণ, বৰনৰ্দ্দীঃ এগৰাকী মুকবধিৰ যুৱতী দিশহাৰা হৈ নলবাৰী জিলাৰ মুকালমুৱাৰ বিভিন্ন ঠাইত আশ্ৰয় বিচাৰি ঘূৰি থকাক লৈ সমগ্ৰ অঞ্চলজুৰি চাঞ্চল্যই বিৰাজ কৰিছে।
জানিব পৰা মতে কিছুদিন পূৰ্বে মুকবধিৰ যুৱতীগৰাকী কেনেবাকৈ মুকালমুৱালৈ আহি অঞ্চলটোৰ বিভিন্ন ঠাইত আশ্ৰয় লৈ আছিল। পাছত যুৱতীগৰাকীক সদাশয় লোকে মুকালমুৱা আৰক্ষী থানাত গতাই দিয়ে।
ইফালে শনিবাৰে অসহায় যুৱতীগৰাকীৰ ফটো আৰু সবিশেষ ফেচবুকত ভাইৰেল হোৱাৰ পাছত একাংশ লোকে যুৱতী গৰাকীৰ ঘৰ দৰং জিলাৰ দলগাঁৱত বুলি দাবী কৰিছে।
পৰিয়ালৰ লোকক বিচাৰি হাহাকাৰ কৰি ফুৰা যুৱতীগৰাকী উদ্ধাৰৰ ক্ষেত্ৰত পৰিয়ালৰ লোকে মুকালমুৱা আৰক্ষী অথবা মুকালমুৱাৰ গাঁওবুঢ়াৰ লগত যোগাযোগ কৰিবলৈ স্হানীয় একাংশ সচেতন লোকে অনুৰোধ জনাইছে।