কাকপথাৰঃ কাকপথাৰৰ বৰডিৰাকত সংঘটিত এক শোকাৱহ পথ দুৰ্ঘটনাত দুজন লোকৰ কৰুণ মৃত্যু হোৱাত শোকৰ ছাঁ পৰিছে অঞ্চলটোত৷

আজি পুৱা প্ৰায় ১০ বজাত অৰুনাচল প্ৰদেশৰ তেজুৰ পৰা তিনিচুকীয়াৰ দিনজান অভিমুখে আহি থকা সেনাৰ কনভয়ৰ এখন গাড়ীৰ সৈতে কাকপথাৰৰ পৰা অৰুনাচল অভিমুখে গৈ থকা এখন AS-23-BC-3374 নম্বৰৰ এখন টাটা মেজিকৰ মুখামুখী সংঘৰ্ষ হয়৷

ফলত টাটা মেজিক খনত থকা কাকপথাৰ মাইথংৰ দেৱজিত চেতিয়া (২৩) আৰু পুপুল গগৈৰ (১৮) থিতাতে মৃত্যু হয় ৷ জানিব পৰা মতে দেৱজিত চেতিয়াই এমাহ পূৰ্বে বিবাহ পাশত আৱদ্ধ হৈছিল৷

একেখন গাঁৱৰে দুয়োজন যুৱক মৃত্যু মুখত পৰাত অঞ্চলটোত শোকৰ ছাঁ পৰিছে৷ সংকটজনক অৱস্থাত আন এজন ব্যক্তিক চিকিৎসালয়লৈ প্ৰেৰন কৰা হয়৷ ব্যক্তিজন অৰুণাচলৰ বুলি জানিব পৰা গৈছে৷