19 Mar

মোডী চৰকাৰৰ বিৰুদ্ধে অনাস্থা প্ৰস্তাৱ, TDPৰ সাংসদৰ হৈ-হাল্লাৰ বাবে সদন স্থগিত, পঢ়ক প্ৰতিটো খবৰ

By NNO WEB BUREAU 0 Comments

ডিজিটেল ডেস্কঃ সোমবাৰৰ পুৱাও সংসদৰ কাম কাজ আগবঢ়া নাই৷ ১৬ মাৰ্চত ৰাজ্যসভা আৰু লোকসভাত তীব্ৰ হৈ-হাল্লাৰ বাবে সোমবাৰলৈ সদন স্থগিত ৰাখিব লগা হৈছিল৷ মোডী চৰকাৰৰ বিৰুদ্ধে অবিশ্বাস প্ৰস্তাৱৰ আৱেদন কৰিছিল ৱাইএছআৰ কংগ্ৰেছে৷ টিডিপিয়ে অন্ধ্ৰ প্ৰদেশক বিশেষ মৰ্যদা প্ৰদান কৰাৰ দাবীত প্ৰতিবাদ অব্যাহত ৰাখিছে যদিও কেন্দ্ৰীয় চৰকাৰে প্ৰতিশ্ৰুতি দি প্ৰতিশ্ৰুতি ভংগ কৰাৰ অভিযোগ উত্থাপন কৰি আহিছে৷ 

যাৰ বাবে মোডী চৰকাৰ আৰু এনডিএৰ পৰা ওলাই আহে টিডিপি৷ ইমানে নহয় চৰকাৰৰ বিৰুদ্ধে অনাস্থা প্ৰস্তাৱ দাখিল কৰে লোক সভাত৷ ৫৩৬ সদস্যৰ লোকসভাত বিজেপিৰ হাতত আছে বৰ্তমান ২৭৪ সদস্য৷ আনহাতে ৫৬গৰাকী সাংসদ আছে সহযোগী দলৰ৷ 

12:41 PM সাংসদ ফাৰুক আব্দু্ল্লাই কয়, মই বিৰোধীৰ সৈতে আছো৷ বিৰোধীয়ে যি কৰে মই তাতেই আছো৷ 12:38 PM শিৰোমণি আকালি দলে কয়, আমি অন্ধ্ৰক বিশেষ ৰাজ্য দিয়টো বিচাৰো কিন্তু মোডী চৰকাৰৰ বিৰুদ্ধে অনাস্থা প্ৰস্তাৱক সমৰ্থন নকৰো৷ 12:35 PM টিডিপিৰ সংখ্যালঘু কোষৰ সভাত অংশ লৈ অন্ধ্ৰৰ মুখ্যমন্ত্ৰী নাইডুৱে কয়, আপোনালোকে সদায় টিডিপিক সমৰ্থন কৰি আহিছে৷ আপোনালোকে বিজেপিৰ সৈতে মিত্ৰজোঁট কৰাত সুখী নহয়৷ আমি সদায় মুছলমানৰ বাবে কাম কৰি গৈছো৷ 12:31 PM শিৱসেনাৰ সাংসদ অৰবিন্দ চাৱন্তে কয়, আমি চৰকাৰ আৰু বিৰোধী কাকো সমৰ্থন নকৰো৷ আমি ইয়াৰ পৰা দূৰত থাকিম৷ 12:29 PM বিশেষ ৰাজ্যৰ দাবীত সংসদ ভৱনৰ চৌহদৰ মহাত্মা গান্ধীৰ আৱক্ষ মূৰ্তিৰ সন্মুখত টিডিপিয়ে প্ৰতিবাদ সাব্যস্ত কৰে৷ কংগ্ৰেছৰ সাংসদো প্ৰতিবাদত অংশ লয়৷ 12:28 PM চিপিআইএমে অনাস্থা প্ৰস্তাৱক সম্পূৰ্ণ সমৰ্থন কৰে৷ 12:22 PM টিডিপি সাংসদ আৰএম নাইডুৱে কয়, সোমাবাৰে আমি চৰকাৰৰ বিৰুদ্ধে অবিশ্বাস প্ৰস্তাৱ আনিম৷সকলো বিৰোধী দলৰ সৈতে যোগাযোগ কৰিছো৷ সকলো দলে আমাক নৈতিক সমৰ্থন দিব লাগে৷ 12:19 PM ৱাইএছআৰ কংগ্ৰেছৰ নেতা পাৰ্থসাৰথীয়ে কয়, চৰকাৰৰ বিৰুদ্ধে অবিশ্বাস প্ৰস্তাৱ আনিবলৈ সাজু বুলি কয়৷ বিশেষ ৰাজ্যৰ দাবীত চৰকাৰক হেচা প্ৰয়োগ কৰি যাম৷ 12:12 PM সোমবাৰে লোকসভাত অবিশ্বাস প্ৰস্তাৱ আনিব পাৰে ৱাইএছআৰ কংগ্ৰেছে৷ ৱাইএছআৰ কংগ্ৰেছৰ সাংসদ ৱাই বিচুব্বা ৰেড্ডীয়ে লোকসভাৰ সচিবালয়ত এক আৱেদন যোগে সোমাবাৰৰ সংসদৰ দিনটোৰ কৰ্মসূচীত অনাস্থা প্ৰস্তাৱৰ চৰ্চাক চামিল কৰাৰ আৱেদন জনায়৷ 12:07 বিশেষ ৰাজ্যৰ দাবী পূৰণ নকৰাত যোৱা সপ্তাহত চৰকাৰৰ বিৰুদ্ধে অনাস্থা প্ৰস্তাৱ কৰিছিল অন্ধ্ৰৰ ৱাইএছআৰ আৰু টিডিপি দলে৷ দুয়োটা দলে বিৰোধী দলৰ সমৰ্থন লাভৰ বাবে চেষ্টা অব্যাহত ৰাখিছে৷ 12:00 PM যোৱা সপ্তাহত চৰকাৰৰ বিৰুদ্ধে অনাস্থা আৱেদন কৰিছিল ৱাইএছআৰ আৰু টিডিপিয়ে৷ লোকসভাত তীব্ৰ হৈ-হাল্লাৰ বাবে এই সন্দৰ্ভত সদনৰ কাম-কাজ আগবঢ়াব নোৱাৰাৰ বাবে এই সন্দৰ্ভত ব্যৱস্থা গ্ৰহণ কৰিব পৰা নাই বুলি কয় সংসদীয় কাৰ্যবাহী মন্ত্ৰী অনন্ত কুমাৰে৷ 10:30 AM ৱাইএছআৰ কংগ্ৰেছে অবিশ্বাস প্ৰস্তাৱ অনাৰ ফলত বিজেপি বিপদত পৰিব পাৰে৷ চৰকাৰৰ বিৰুদ্ধে অনাস্থা প্ৰস্তাৱ আৱেদনক সদনৰ ৫০গৰাকী সদস্যৰ সমৰ্থনৰ প্ৰয়োজন হ’ব৷ আৱেদন স্বীকাৰ কৰাৰ পিছতো অবিশ্বাস প্ৰস্তাৱ অনৰ্থক হৈ পৰিব৷বৰ্তমান লোকসভাত ৫৩৯ গৰাকী সাংসদ আছে৷ সংখ্যাগৰিষ্ঠতা লাভৰ বাবে প্ৰয়োজন হ’ব৷ শাসকীয় বিজেপিত হাতত আছে ২৭৪ সদস্য লোকসভাত এই সংখ্যা বৃদ্ধি হৈ ৩১৪ হয়৷ 10:00 AM কিন্তু বিজেপি চৰকাৰৰ বিৰুদ্ধে অবিশ্বাস প্ৰস্তাৱ উত্থাপন কৰিবলৈ সাজু অন্ধ্ৰপ্ৰদেশৰ ৱাইএছআৰ কংগ্ৰেছ দল৷ এনডিএৰ সহযোগী অন্ধ্ৰপ্ৰদেশৰ শাসকীয় দলৰ দুই মন্ত্ৰী মোডী মন্ত্ৰীসভাৰ পৰা পদত্যাগ কৰিছিল৷ টিডিপি দলৰ দুই মন্ত্ৰী অশোক গজপতি ৰাজু আৰু ৱাইএছ চৌধুৰীয়ে পদত্যাগ কৰিছিল৷