দিগন্ত বৰ্মণ, বৰনৰ্দ্দীঃ মঙলবাৰে তৃতীয় পৰ্যায়ৰ লোকসভা নিৰ্বাচনৰ ভোটগ্ৰহণৰ সময়ত প্ৰচণ্ড গৰমৰ বাবে সন্ধিয়াৰ ভাগত নলবাৰীৰ বৰক্ষেত্ৰী বিধানসভা সমষ্টিৰ অন্তৰ্গত ৬২ নং বনমাজা মোক্তাব প্ৰাথমিক বিদ্যালয়ৰ ভোট কেন্দ্ৰত শাৰী পাতি থকা অৱস্থাতে মুকালমুৱা আৰক্ষী থানাৰ অধীনৰ বনমাজা গাঁৱৰ নুৰুদ্দিন আলী (৬৮) নামৰ বয়োজ্যেষ্ঠ নাগৰিক গৰাকীয়ে হঠাতে ঢলি পৰে।
লগে লগে তেওঁক স্থানীয় চিকিৎসালয়লৈ নিয়া হয় যদিও সংকটজনক অৱস্থাত বয়োজ্যেষ্ঠ ভোটাৰগৰাকীক গুৱাহাটীৰ এখন চিকিৎসালয়ৰ আইচিইউত ভৰ্তি কৰোৱা হৈছে বুলি জানিব পৰা গৈছে।