চুলতান চালেহ আহমেদ, বৰপেটাঃ ২১ জুন আন্তৰ্জাতিক যোগ দিৱস উপলক্ষে হাউলীৰ বি এইচ কলেজৰ কাষতে থকা ৬৪ এচএচবি বৰমা কেম্পত আন্তৰ্জাকিত যোগ দিৱস উদযাপন কৰা হয়।
তদুপলক্ষে আয়োজিত যোগ অনুষ্ঠানত অতিথি হিচাপে উপস্থিত থাকে এছিয়ান মিছন ইনষ্টিটিউটৰ সঞ্চালক ডা০ আব্দুল কদ্দুছ শিকদাৰ আৰু কয়াকুছিৰ সমন্বয় সাহিত্য গোষ্ঠীৰ মুখ্য সম্পাদক ছাহেদ আলী আহমেদ। কেম্পটোৰ সহকাৰী কমাণ্ডেন্ট সোভা সিং¸ চিকিৎসা বিষয়া ডা০ এছ ৰঞ্জন সিং¸ মহিলা সংগঠন সন্দীক্ষাৰ অধ্যক্ষা শ্ৰীমতী নুন শীতলহাওৰ সৈতে অন্যান্য বিষয়া¸ সহকাৰী বিষয়া¸ কৰ্মচাৰী¸ কেম্পটোৰ মহিলা সদস্য আৰু পৰিয়ালৰ সদস্যও উপস্থিত থাকি যোগাসনত অংশ গ্ৰহণ কৰে।
যোগ দিৱস উপলক্ষে আয়োজিত যোগাসনৰ পিছত অনুষ্ঠানত সমবেত সকলোকে যোগ দিৱসৰ তাৎপৰ্য আৰু ইয়াৰ লগত সংগতি ৰাখি স্বাস্থ্য সম্পৰ্কে বক্তব্য প্ৰদান কৰে ডা:আব্দুল কদ্দুছ শিকদাৰ আৰু সহকাৰী কমাণ্ডেন্ট সোভা সিঙে।