চামগুৰিঃ পুৰণিগুদাম প্ৰেছ ক্লাৱৰ উদ্যোগত অনুষ্ঠিত হৈ যোৱা সদৌ অসম ডাকযোগে ছবি অঁকা প্ৰতিযোগিতাৰ ফলাফল সমূহ আজি ঘোষনা কৰা হয়৷ ৰাজ্যৰ বিভিন্ন প্ৰান্তৰ পৰা প্ৰায় ৪৫০গৰাকী প্ৰতিযোগীয়ে অংশগ্ৰহণ কৰা ছবি অঁকা প্ৰতিযোগিতাৰ ফলাফলসমূহ আজি বিয়লি পুৰণিগুদাম প্ৰেছ ক্লাৱে ঘোষণা কৰে৷
প্ৰতিযোগিতাৰ ফলাফল অনুসৰি ক-শাখাত নগাঁৱৰ ওৱাজাহাদ ওৱাচি ইছলামে প্ৰথম স্থান, নগাঁৱৰ নিশিতা বৰাই দ্বিতীয় স্থান, শিঙিয়াৰ অভিলাষা শৰ্মা আৰু নগাঁৱৰ পৰিস্মিতা গোহাঁই বৰুৱাই যুটীয়াভাৱে তৃতীয় স্থান, নগাঁৱৰ কাশ্মিৰী শিৱমে বিচাৰকৰ বিশেষ বঁটা লাভ কৰিছে৷
খ-শাখাত প্ৰথম স্থান বঢ়মপুৰ প্রিঞ্চিপ্ৰিয়া ভূঞা, দ্বিতীয় স্থান আহঁতগুৰিৰ প্রস্তুতি দাস, তৃতীয় স্থান শিঙিয়া খঞ্জন জ্যোতি বৰা আৰু বিচাৰকৰ বিশেষ বঁটা বঢ়মপুৰৰ জুৰণি প্ৰিয়া দাসে লাভ কৰিছে৷ আনহাতে গ-শাখাত কলিয়াবৰৰ লখিমী বৰাই প্ৰথম স্থান, মৰিগাঁৱৰ বিজয় কুমাৰ নাথে দ্বিতীয় স্থান, তিনিচুকীয়াৰ সমুজ্জল শইকীয়াই তৃতীয় স্থান আৰু কলিয়াবৰৰ চিৰঞ্জীৱ বৰাই বিচাৰকৰ বিশেষ বটাঁ লাভ কৰিবলৈ সক্ষম হৈছে৷
উল্লেখ্য যে, প্ৰতিযোগিতাখনত অংশগ্ৰহণ কৰা প্ৰতিজন প্ৰতিযোগীকে একোখনকৈ মানপত্ৰ প্ৰদান কৰা হ’ব। এই সন্দৰ্ভত প্ৰতিযোগী সকলে ৭০৮৬২৩৬৫৪০, ৯৯৫৪০৬৮১৭৯, ৯৪৩৫১৬০৫১৫, ৯৪৩৫৪৯৩৯৭২ আৰু ৯৪৩৫২৪১৫৫৪ নম্বৰত যোগাযোগ কৰিব পাৰিব৷
প্ৰতিযোগিতাখনৰ বিজয়ী প্ৰতিযোগীসকলক অহা ২০জুনৰ পাছত পুৰস্কাৰ সমূহ পৰ্যায়ক্ৰমে দিয়াৰ লগতে বিজয়ী প্ৰতিযোগীসকলৰ ছবিসমূহ সংবাদ মাধ্যমত প্ৰকাশ কৰা হ’ব বুলি পুৰণিগুদাম প্ৰেছ ক্লাৱৰ সভাপতি তপন কটকী আৰু সম্পাদক দিব্যজ্যোতি ভূঞাই এক প্ৰেছ বিবৃতি যোগে জানিবলৈ দিয়ে৷