শিৱসাগৰঃ গুৱাহাটী মহানগৰীৰ দৰে এজাক বৰষুণতে জলমগ্ন হৈ পৰিছে শিৱসাগৰৰ বাট-পথসমূহ। ফলত যাতায়াতৰ ক্ষেত্ৰত ব্যাপক সমস্যাৰ সন্মুখীন হ'বলগীয়াত পৰিছে সৰ্ব-সাধাৰণ।
পৌৰসভাই পানী ওলাই যোৱা নলাসমূহ খৰালি পৰিস্কাৰ নকৰা বাবেই এনেদৰে এজাক বৰষুণতে চহৰখন কৃত্ৰিম বানৰ কবলত পৰিছে বুলি অভিযোগ উত্থাপিত হৈছে।
ভূক্তভোগী ৰাইজে শিৱসাগৰ পৌৰসভাক শীঘ্ৰে নলাসমূহ পৰিস্কাৰ কৰিবলৈকো দাবী জনাইছে। অন্যাথাই প্ৰতিবাদী কাৰ্যসূচী গ্ৰহণ কৰা হ'ব বুলি সকীয়াই দিয়ে কৃত্ৰিম বানত সমস্যাৰ সন্মুখীন হোৱা চহৰখনৰ বাসিন্দাসকলে।