62
ডিজিটেল ডেস্কঃ দেশৰ ন্যায়পালিকা আৰু বিচাৰক সকলৰ নিৰপেক্ষতা সাংবিধানিক পন্থাৰে চলা ভাৰতবৰ্ষৰ বাবে হৃদপিণ্ডস্বৰূপ। ন্যায়াধীশসকল স্বতন্ত্ৰতাৰে দায়িত্ব পালন কৰিব নোৱাৰিলে বিচাৰকাৰ্যও নিৰপেক্ষ হৈ নাথাকিব। এনেধৰণৰ কেতবোৰ স্পৰ্শকাতৰ বিষয়ক লৈ শেহতীয়াকৈ বিতৰ্কৰ সৃষ্টি হোৱাৰ পৰিপ্ৰেক্ষিততে ন্যায়ালয়ৰ মৰ্যাদা অটুত ৰখাৰ পোষকতা কৰা জ্যেষ্ঠ ন্যায়াধীশ ৰঞ্জন গগৈ আৰু মদন লকুৰে মুখ্য ন্যায়াধীশলৈ পত্ৰ প্ৰেৰণ কৰিছে।
ন্যায়ৰ প্ৰাণকেন্দ্ৰ ভাৰতৰ উচ্চতম ন্যায়ালয়ৰ আনুষ্ঠানিক সমস্যা আৰু গণতান্ত্ৰিক ৰাষ্ট্ৰখনৰ ভেঁটিস্বৰূপ সৰ্বোচ্চ ন্যায়ালয়খনৰ ভবিষ্যত সম্পৰ্কে আলোচনাৰ বাবে পূৰ্ণ আদালত বহুওৱাৰ পোষকতা কৰিছে ন্যায়াধীশদ্বয়ে। প্ৰণিধানযোগ্য যে দুয়োগৰাকী ন্যায়াধীশেই সৰ্বোচ্চ ন্যায়ালয়খনৰ কলজিয়ামৰ সদস্য।
