লখিমপুৰঃ লখিমপুৰ জিলাৰ বগীনদী উন্নয়নখণ্ডৰ অধীনৰ চিয়াজুলি গাঁও পঞ্চায়তৰ অন্তৰ্গত ১ নং বোকানলাবাসী ৰাইজক বাঁহৰ খুঁটাৰ ওপৰেদি বিদ্যুতৰ তাঁৰ টানি বিপদসংকুলভাৱে বিদ্যুৎ যোগান ধৰিছে বিভাগটোৱে৷
বোকানলা হাইস্কুলৰ সমীপত আৰু ১ নং বোকানলাৰ গাঁৱত পকী খুঁটাৰ সলনি বাঁহৰ খুঁটা ব্যৱহাৰ কৰাত যিকোনো সময়তে দুৰ্ঘটনাৰ আশংকা কৰিছে ৰাইজে৷ আনহাতে বোকানলা হাইস্কুলৰ সমীপত বিদ্যুৎ সংযোগৰ বাবে বাঁহৰ খুঁটা ব্যৱহাৰ কৰাৰ উপৰিও এটা শক্তিশালী ট্ৰেন্সফৰ্মাৰ ভয়াবহভাৱে উন্মুক্ত হৈ থকাত যিকোনো সময়তে সংঘটিত হ'ব পাৰে দুৰ্ঘটনা৷
অঞ্চলবাসী ৰাইজে বিদ্যুৎ বিভাগক বাৰম্বাৰ অনুৰোধ কৰাৰ পাছতো বাঁহৰ খুঁটাৰ পৰিৱৰ্তে পকী খুঁটা আৰু ট্ৰেন্সফৰ্মাৰটোত বেৰা নিদিলে৷ এইক্ষেত্ৰত লখিমপুৰ বিদ্যুৎ বিভাগক ব্যৱস্থা গ্ৰহণ কৰিবলৈ ৰাইজে দাবী জনায়।