মৰিয়নীঃ শুকুৰবাৰে বিয়লি মৰিয়নীত হোৱা বিধ্বংশী ধুমুহাই নকছাৰী, লাহিং চেলেং অঞ্চল বহুত ঘৰ-দুৱাৰ তচনচ কৰি যায়।

নকছাৰী নৱ বিকাশ সংঘৰ টিনপাত উৰুৱাই লৈ যায়, বাওঁ তলি উপ-স্বাস্থ্য কেন্দ্ৰ, বাওঁ তলি প্ৰাথমিক বিদ্যালয়ৰ টিনপাত ভাঙি চুচুৰ্মু কৰে।

ভয়ংকৰ ধুমুহাই তচনচ কৰিলে নাগিনীজান এমই স্কুলৰ লগতে কেইবাটাও বাসগৃহ। বহু দৰিদ্ৰ পৰিয়ালৰ ঘৰ-দুৱাৰ ভাঙি থৈ যায় ধুমুহাজাকে।

তিৰোৱাল, দৰিকীয়াল, চমুৱা, ৰোজবাৰী গাঁৱতো হয় বিস্তৰ ক্ষতি। ৰাইজে চৰকাৰৰ সহায় বিচাৰিছে।