সপোন ৰহমান শইকীয়া, মৰিয়নীঃ বুধবাৰে পুৱা মৰিয়নীত ৰে’ল বিভাগৰ GM আহাৰ সময়তে মৰিয়নীৰ ৰে’ল আলিৰ সমীপত এটা মৃতদেহ উদ্ধাৰ হৈছে।
মৃত যুৱকজন মৰিয়নী কেঁচাইপতিৰ দেবা ৰজক(২৪) বুলি চিনাক্ত কৰা হৈছে। প্ৰত্যক্ষদৰ্শীৰ মতে, যুৱকজন পুৱা ৰে’ল আলিত বহি আছিল আৰু প্ৰায় ১০ মান বজাত নামনিমুৱা ১৫৯২৮ ৰঙিয়া এক্সপ্ৰেছখন অহা দেখি ৰে’লখনৰ সন্মুখত যুৱকজনে জাঁপ মাৰি আত্মহত্যা কৰে।
এই ঘটনাই সমগ্ৰ অঞ্চলজুৰি তীব্ৰ চাঞ্চল্যৰ সৃষ্টি কৰিছে। উক্ত স্থানত পূৰ্বেই কেইবাটাও এনেধৰণৰ ঘটনা সংঘটিত হৈছে বুলি স্থানীয় ৰাইজে জানিবলৈ দিয়ে।