নগাঁওঃ নগাঁও চহৰৰ মাজ মজিয়াত চোৰে লুটিলে নগদ ধনসহ আ-অলংকাৰ৷ নগাঁও জিলাৰ বিভিন্ন ঠাইত আৰক্ষীৰ দুৰ্বলতাৰ পূৰ্ণ সুযোগ গ্ৰহন কৰি বিগত কেইমাহ মানৰ ভিতৰত বৃদ্ধি পাইছে চোৰৰ উপদ্ৰৱ৷
এইবাৰ অনুৰূপ ঘটনা সংঘটিত হ’ল খোদ নগাঁও চহৰৰ মাজ-মজিয়াত৷ জানিব পৰা মতে আজি চহৰখনৰ আমোলাপট্টিৰ অভিজিৎ শৰ্মা নামৰ লোকজনৰ ঘৰত চোৰে চলালে চাফাই অভিযান৷
গৃহস্থ ঘৰত নথকাৰ সুযোগ লৈ দোৱাৰ ভাঙি ভিতৰত প্ৰবেশ কৰি বয়-বস্তু লণ্ড-ভণ্ড কৰি নগদ ২ লাখ টকাৰ লগতে প্ৰায় আঢ়ৈ লক্ষাধিক টকাৰ মূল্যৱান আ-অলংকাৰ লুটি নিয়ে ৷ দুৰ্ভগীয়া পৰিয়ালটোৱে দিয়া এজাহাৰৰ ভিত্তিত আৰক্ষীয়ে তদন্ত অব্যাহত ৰাখিছে যদিও চোৰৰ কোনো শুংসূত্ৰ উলিয়াব পৰা নাই৷