anitwitter
newsnextone.com | দিল্লীঃ কাৰ্বি আংলঙৰ ডকমকাত সোপাধৰাৰ সন্দেহত দুগৰাকী অসমীয়া প্ৰতিভাৱান যুৱকক নিৰ্মম ভাৱে হত্যা কৰা ঘটনাই সমগ্ৰ ৰাজ্যজুৰি ক্ষোভৰ জুই জ্বলি থকাৰ সময়তে মঙলবাৰে দিল্লীতো একাংশ যুৱক-যুৱতীয়ে প্ৰতিবাদ কৰিবলৈ ওলাই আহে৷ মঙলবাৰে সন্ধিয়া দিল্লীৰ ইণ্ডিয়া গেটত যুৱক-যুৱতীয়ে হাতে হাতে মম জ্বলাই হত্যাকাৰীক উচিত শাস্তিৰ দাবী জনায়৷
নিৰ্মম কাণ্ডক গৰিহণা দি দোষীক কৰায়ত্ব কৰি উচিত শাস্তি প্ৰদান কৰিবলৈ দাবী জনোৱাৰ লগতে নৰপিশাচৰ হাতত জীৱন হেৰুওৱা নিলোৎপল দাস আৰু অভিজিৎ নাথ নামৰ যুৱক দুগৰাকীৰ আত্মাৰ সদগতিৰ কামনা কৰে৷
ডকমকা কাণ্ডত জড়িত দুস্কৃতিকাৰীসকলৰ বিৰুদ্ধে ক্ষোভৰ জুইকুৰা দাউদাউকৈ জ্বলি উঠা সময়তে দিল্লীত ডকমকা কাণ্ডৰ প্ৰতিবাদ সাব্যস্ত কৰা হয়৷