গুৱাহাটীঃ বৃহস্পতিবাৰে মুকলি কৰা হ’ব পুৰণি শৰাইঘাট দলং।
নিৰ্ধাৰিত সময়তে অহা বৃহস্পতিবাৰে মুকলি কৰি দিয়া হ’ব দলংখন। যোৱা ৩ মাহৰপৰা শৰাইঘাটৰ পুৰণি দলঙখনৰ মেৰামতিৰ কাৰণে বন্ধ কৰি ৰখা হৈছিল৷ আনহাতে দলঙখনৰ ১১ টা বৰ্ধিত অংশৰ সংযোগৰ বাবে এই কাম চলিছিল৷ লগতে দলঙখনৰ ডেকৰ মেৰামতিৰ কাম সম্পূৰ্ণ হৈছে৷
২০ জুনত দলংখন মুকলি কৰিবলৈ মুখ্যমন্ত্ৰী সৰ্বানন্দ সোণোৱালে নিৰ্দেশ দিছিল৷ মেৰামতিৰ কাম সম্পূৰ্ণ হৈ উঠাৰ পাছত অহা বৃহস্পতিবাৰে দলংখন মুকলি কৰা হ’ব৷
আচলতে দলঙ খন যাতায়ত ব্যৱস্থাৰ বাবে অনুপযোগী হৈছিল কিয়নো দলঙখনৰ মাজত বৃহৎ পৰিমাণৰ ফাঁট মেলিছিল৷ যাৰ বাবে মুখ্যমন্ত্ৰী নিৰ্দেশানুযায়ী দলঙ খনৰ মেৰামতি কৰে৷