কোকৰাঝাৰঃ কোকৰাঝাৰ জিলাৰ ছেৰফাংগুৰী আৰক্ষী থানাৰ অৰ্ন্তগত আফলাগাওঁত আজি পুৱতি নিশা সেনাবাহিনীৰ তৃতীয় ৰাজপুত ৰেজিমেন্ট আৰু আৰক্ষীয়ে এক গোপন সুত্ৰৰ পম খেদি যৌথ অভিযান চলাই এনডিএফবি(এছ)ৰ ৩৯নং বেটছৰ এগৰাকী দুধৰ্ষ সদস্যক আটক কৰিবলৈ সক্ষম হৈছে৷

যৌথ অভিযানত আটক হোৱা এনডিএফবি (এছ)ৰ সদস্য গৰাকীক ছালেন বসুমতাৰী (২৫) ওৰফে বি ছানখাং বুলি চিনাক্ত কৰা হৈছে৷ তেওঁৰ কৱলৰ পৰা সেনা-আৰক্ষীয়ে এটা পিষ্টল আৰু এটা মোবাইল ফোন জব্দ কৰিবলৈ সক্ষম হৈছে। অধিক তথ্যৰ সন্ধানত সেনা-আৰক্ষীয়ে এনডিএফবি সদস্য গৰাকীক মাৰাথন জেৰা অব্যাহত ৰাখিছে।