বোকাজানঃ কাৰ্বি আংলং জিলাৰ বোকাজান মহকুমাৰ খটখটি আৰক্ষী থানাৰ অন্তৰ্গত অসম-নগালেণ্ড সীমান্তৱৰ্তী অঞ্চলৰ লাহৰিজানৰ পৰা আজি খটখটি আৰক্ষীয়ে মাৰণাস্ত্ৰসহ এজন যুৱকক কৰায়ত্ত কৰে।
বিশেষ সূত্ৰৰ পম খেদি অঞ্চলটোত অভিযান চলাই অস্ত্ৰসহ যুৱকজনক কৰায়ত্ত কৰিবলৈ সমৰ্থ হয় আৰক্ষী। ধৃত যুৱকজনৰ নাম ৰইজউদ্দিন বুলি জানিব পৰা গৈছে।
আৰক্ষীয়ে সদৰী কৰা মতে, ৰইজউদ্দিনৰ ঘৰ হৈছে নগাঁওৰ ব'ৰালিমাৰীত। ধৃত ৰইজউদ্দিনৰ পৰা আৰক্ষীয়ে তিনিটা পিষ্টল, তিনিটা মেগজিন আৰু এখন চাকু উদ্ধাৰ কৰিবলৈ সক্ষম হয়৷
অধিক তথ্যৰ বাবে আৰক্ষীয়ে ৰইজউদ্দিনক জেৰা অব্যাহত ৰাখিছে।