ৰঙিয়াঃ ৰঙিয়াত আৰক্ষীৰ অভিযানত জব্দ প্ৰায় ২৫ লাখ টকা মূল্যৰ ড্ৰাগছ। ৰঙিয়াৰ মাজেৰে যোৱা ৩১ নং ৰাষ্ট্ৰীয় ঘাইপথৰ সমীপৰ বালাবনগাঁৱৰ আবুল আলীৰ ঘৰৰপৰা জব্দ কৰা হৈছে আঢ়ৈ কেজি আফিঙৰ ওপৰিও ১২০ গ্ৰাম হেৰ’ইন।
ৰঙিয়া মহকুমা আৰক্ষী বিষয়াৰ নেতৃত্বত এই অভিযান চলাই আৰক্ষীয়ে জব্দ কৰিবলৈ সক্ষম হয় ড্ৰাগছখিনি। মহকুমা আৰক্ষীৰ তৰফৰপৰা জানিবলৈ দিয়া মতে, গোপন সূত্ৰৰ ভিত্তিত আৰক্ষীয়ে নিচাযুক্ত ড্ৰাগছ জব্দ কৰাৰ লগতে আবুল আলী নামৰ এজন যুৱকক আটক কিৰিবলৈ সক্ষম হয়।
ৰঙিয়া আৰক্ষীয়ে আটকাধীন আবুলক ৰঙিয়া আৰক্ষী থানাত ৰাখি অধিক তথ্যৰ বাবে জেৰা অব্যহত ৰাখিছে। দীৰ্ঘদিনৰপৰা ধৃত আবুল আলীৰ ঘৰৰপৰাই ড্ৰাগছ ব্যাৱসায় চলি থকাৰ সন্দেহ আৰক্ষীৰ।