ৰঙাপৰাঃ মঙলবাৰে নিশা শোণিতপুৰৰ ৰঙাপৰাত এক ভয়ংকৰ পথ দুৰ্ঘটনা সংঘটিত হয়। এই পথ দুৰ্ঘটনাত এজন নিহত হোৱাৰ লগতে এজন গুৰুতৰভাৱে আঘাত প্ৰাপ্ত হয়।
নিশা ৭:৩০ মান বজাত চতিয়া আৰক্ষী থানাৰ অন্তৰ্গত সাপেখাতিৰ নিবাসী ৰাতুল গগৈৰ পুত্ৰ দিব্যজ্যোতি গগৈ আৰু একেখন গাঁৱৰ ৰঞ্জন বৰাই এখন নম্বৰ বিহীন এখন মটৰ চাইকেলেৰে বালিপৰাৰপৰা ৰঙাপৰাৰ অভিমুখে আহি আছিল।
ঠিক তেনে সময়ত মটৰ চাইকেলখন ৰঙাপৰাৰ নেকৰা হোলাত নিয়ন্ত্ৰণ হেৰুৱাই পথৰ ওপৰত বাগৰি পৰাত দিব্যজ্যোতি গগৈ নামৰ যুৱকজন থিতাতে নিহত হয় আৰু মটৰ চাইকেল আৰোহী ৰঞ্জন বৰা গুৰুতৰভাৱে আঘাত প্ৰাপ্ত হয়। ঘটনাৰ সন্দৰ্ভত ৰঙাপৰা আৰক্ষীয়ে তদন্ত অব্যাহত ৰাখিছে।