চামগুৰিঃ চামগুৰিৰ তেলিয়াগাঁৱত মঙলবাৰে পুৱাই সংঘটিত হয় এক পথ দুৰ্ঘটনা। দুৰ্ঘটনাত এখন গৰু ভৰ্তি ট্ৰাক বাগৰি পৰে ৩৭ নং ঘাইপথৰ দাঁতিত।

লক্ষীমপুৰৰপৰা গুৱাহাটী অভিমুখে গৈ আছিল ট্ৰাকখন। ট্ৰাকখনত আছিল ২২ টাকৈ গৰু। কিন্তু দুৰ্ঘটনা সংঘটিত হোৱাৰ পাছতেই ঘটনাস্থলীৰপৰা নাইকীয়া হল আটাইকেইটা গৰু। দুৰ্ঘটনাৰ বিষয়ে অৱগত কৰিবলৈ ট্ৰাকত থকা লোককেইজন চামগুৰি আৰক্ষী থানালৈ যোৱাৰ সময়তেই গৰু লৈ উধাও হ’ল একাংশই।

তাৰ পাছত ঘটনাস্থলীত চামগুৰি আৰক্ষী উপস্থিত হৈ আৰম্ভ কৰিলে গৰু বিচৰা অভিযান। অৱশেষত অঞ্চলটোৰ বিভিন্ন স্থানৰপৰা উদ্ধাৰ হ’ল ১২ টা গৰু, কিন্তু এতিয়াও সন্ধান নাই আন দহটা গৰুৰ। সন্ধানহীন গৰু কেইটাক বিচাৰি এতিয়াও আৰক্ষীয়ে অব্যাহত ৰাখিছে অভিযান।