হৰিশিঙাঃ হৰিশিঙা উচ্চতৰ মাধ্যমিক বিদ্যালয়ৰ সভাগৃহত আজি অনুষ্ঠিত এখন সম্বৰ্ধনা সভাত লোকসেৱা আয়োগৰ পৰীক্ষাত উত্তীৰ্ণ হৰিশিঙাৰ গৌৰৱ ৰাকেশ দাসক সম্বৰ্ধনা জনাই ৰাইজে৷
হৰিশিঙা আছুৰ সভাপতি বিকাশ শৰ্মাৰ সভাপতিত্বত অনুষ্ঠিত সভাত অসম লোকসেৱা আয়োগৰ পৰীক্ষাত সুখ্যাতিৰে উত্তীৰ্ণ হৈ হৰিশিঙাবাসীলৈ গৌৰৱ কঢ়িয়াই অনা ৰাকেশ দাসক হৰিশিঙা আছুৱে সম্বর্ধনা জনায়।
উক্ত সভাত দুখীয়া ছাত্ৰ-ছাত্ৰীসকলৰ মাজত বিনামূলীয়া পাঠ্যপুথি বিতৰণ কৰা হয়৷ হৰিশিঙা আছুৰ উদ্যোগত আয়োজিত গ্ৰীষ্মকালীন পাঠদানো আজিৰে পৰা আৰম্ভ কৰা হয়৷
সভাত হৰিশিঙা উচ্চতৰ মাধ্যমিক বিদ্যালয়ৰ অধ্যক্ষ ছীমচন দৈমাৰী, উপাধক্ষ্য কৃষ্ণ মিজাৰ, প্ৰাক্তন উপাধ্যক্ষ তৰুণ চন্দ্ৰ দাস, ওদালগুৰি জিলা ছাত্ৰ সন্থাৰ সভাপতি প্ৰাঞ্জল পটোৱাৰী, হৰিশিঙা আছুৰ উপ-সভাপতি মন্টু দাস, সম্পাদক জিতুল ওঝা উপস্থিত থাকে৷