ৰঙিয়াঃ ৰঙিয়া চহৰৰ চেপ্তিত ৩১নং ৰাষ্ট্ৰীয় ঘাই পথত আজি এক পথ দুৰ্ঘটনা সংঘটিত হয়। এই দুৰ্ঘটনাত গুৰুতৰভাৱে আহত হয় ৬জনকৈ লোক।

জানিব পৰা মতে, গুৱহাটীৰ পৰা বৰপেটা অভিমুখে তীব্ৰ গতিত আহি থকা  AS-01-BU-5314 নম্বৰৰ বলেৰ’ এখনে একে দিশৰ পৰা আহি থকা ডাম্পাৰ এখনক পিছফালৰ পৰা খুন্দা মাৰে৷

ফলত বলেৰ’খন আগফালটোৰ ক্ষতি হোৱাৰ লগতে গাড়ীখনত থকা ৬গৰাকী লোক গুৰুতৰভাৱে আহত হয়৷ আহত ব্যক্তি কেইজনক স্থানীয় ৰাইজ তথা আৰক্ষীয়ে ততাতৈয়াকৈ চিকিৎসালয়ত ভৰ্তি কৰে যদিও প্ৰণৱ বৰুৱা নামৰ লোকজনৰ অৱস্থা সংকটজনক বুলি জানিব পৰা গৈছে৷

আহত আনসকল হৈছে বৰপেটা জিলাৰ পাটাছাৰকুছিৰ অকণ কুমাৰ, মণি কুমাৰী, পিংকু কুমাৰ, অংশুমিতা কুমাৰী, চালক প্ৰনৱ, জাইজুদ্দিন আলী। আটায়ে বৰ্তমান ৰঙিয়া অসামৰিক চিকিৎসালয়ত চিকিৎসাধীন হৈ আছে৷