newsnextone.com | ডিজিটেল ডেস্কঃ ৰিলায়েঞ্চৰ ৪১তম বাৰ্ষিক সাধাৰণ সভাত ব্ৰডবেণ্ড আৰু ফিক্সড লাইন সেৱা জিঅ’ গিগা ফাইবাৰ মুকলি কৰিলে ৰিলায়েঞ্চ ইণ্ডাষ্ট্ৰী লিমিটেডৰ চেয়াৰমেন তথা মেনেজিং ডিৰেক্টৰ মুকেশ আম্বানীয়ে৷ আম্বানীয়ে ভাষণ প্ৰসংগত কয় যে ১১০০ খন চহৰৰ গৃহ, সৰু-বৰ উদ্যোগ তথা বৃহৎ শিল্প প্ৰতিষ্ঠানসমূহতো অচিৰেই উন্নতমানৰ ব্ৰডবেণ্ড সেৱা উপলব্ধ হ’ব৷
মুকেশ আম্বানীয়ে জানিবলৈ দিয়া মতে, ১৫ আগষ্টৰ পৰা জিঅ’ গিগা ফাইবাৰৰ ৰেজিষ্ট্ৰেচন আৰম্ভ হ’ব৷ MyJio এপ আৰু Jio.comৰ জৰিয়তে গ্ৰাহকসকলে ৰেজিষ্ট্ৰেচন কৰিব পাৰিব৷ ব্ৰডব্ৰেণ্ড সেৱাত চহৰ-গাঁৱৰ দেৱালে দেৱালে Wifi সেৱা উপলব্ধ হ’ব৷
#RILAGM | Mukhesh Ambani says can start registering for 'Jio Giga Fiber' from August 15 pic.twitter.com/U2wh0xxEHb
— CNBC-TV18 (@CNBCTV18Live) July 5, 2018
ইফালে, বৃহস্পতিবাৰে জিঅ’ ফোনৰ উন্নত ফিচাৰযুক্ত জিঅ’ ফোন-২ মুকলি কৰা হয়৷ কোম্পানীয়ে জনোৱা মতে, জিঅ’ৰ নতুন মোবাইল যোগে গ্ৰাহকে ইউটিউব, ফেচবুক আৰু হোৱাটছআপ ব্যৱহাৰৰ সুবিধা লাভ কৰিব পাৰিব৷ জিঅ’ ফোন-২ আন সাধাৰণ এণ্ড্ৰ’ইড মোবাইল ফোনৰ দৰেই ফিচাৰযুক্ত হ’ব বুলি জনায় মুকেশ আম্বানীৰ পুত্ৰ আকাশ আম্বানীয়ে৷
আনহাতে, ‘মনচুন হাংগামা অফাৰ’ যোগে গ্ৰাহকে যিকোনো ফিচাৰ ফোন সলনি কৰি মাত্ৰ ৫০১ টকাটে জিঅ’ৰ ফোন লাভ কৰিব পাৰিব৷ কোম্পানীয়ে জিঅ’ৰ নতুন ফোনৰ নিৰিখ ধাৰ্য্য কৰিছে ২,৯৯৯ টকা৷
#RILAGM | Mukesh Ambani, CMD of Reliance Ind says Jio will offer the most competitive broadband connection @reliancejio @flameoftruth @ShereenBhan @kritika_saxena1 pic.twitter.com/f7gWBIfPLL
— CNBC-TV18 (@CNBCTV18Live) July 5, 2018
#RILAGM | Mukesh Ambani, CMD of Reliance Ind says Jio's customer base has doubled to 215 m customers over last one year @ShereenBhan @flameoftruth pic.twitter.com/IV6nDLoSUT
— CNBC-TV18 (@CNBCTV18Live) July 5, 2018
বৃহস্পতিবাৰে মুম্বাইত অনুষ্ঠিত ৰিলায়েঞ্চৰ ৪১ বছৰীয়া বৰ্ষপুতি অনুষ্ঠানত কোম্পানীৰ অধ্যক্ষ মুকেশ আম্বানীয়ে কয় যে বেচৰকাৰী সংস্থাৰ ভিতৰত ৰিলায়েঞ্চ ইণ্ডাষ্ট্ৰী লিমিটেডে সৰ্বোচ্ছ জিএছটি আৰু আয়কৰ জমা কৰিবলৈ সক্ষম হৈছে৷ যোৱা বছৰ কোম্পানীৰ আয়ত ২০.৮ শতাংশ বৃদ্ধি হৈ ৩৬.০৭৫ কোটি টকা হৈছে৷ আনহাতে বৰ্তমানলৈ ভাৰতত জিঅ’ ব্যৱহাৰকাৰীৰ সংখ্যা ২৫ মিলিয়ন হৈ পৰা বুলিও জনায় মুকেশ আম্বানীয়ে৷