দৰংঃ দৰঙৰ দলগাঁও ৰাজহ চক্ৰৰ অন্তৰ্গত ওৰাং ফৰেষ্ট ৰ’ডৰ সংলগ্ন বাগিছা কাষ, ঘিলাধাৰী, নাওৰা সিচা আৰু বেছিমাৰী আদি গাঁৱত যোৱা নিশা শিলা-বৃষ্টি আৰু প্ৰৱল ধুমুহাৰ ফলত ঘৰ-দুৱাৰ, খেতি পথাৰৰ বিস্তৰ ক্ষতি সাধন হয়।
নিশাৰ ভাগত হোৱা ধুমুহাত বহুতৰে ঘৰৰ টিন উৰুৱাই নি পথাৰৰ মাজত পেলায়। গছ-গছনি বাগৰি পৰাৰ ফলত বিদ্যুৎ সেৱা বন্ধ হৈ পৰিছে। প্ৰচণ্ড ধুমুহাত পাচলি খেতিৰো বিস্তৰ ক্ষতি সাধন কৰে৷
ধুমুহাৰ ফলত ঘৰ ভাঙি দুগৰাকী লোক আহত হয়৷ পৱিত্ৰ ৰমজান মাহ চলি থকাৰ মাজতে হঠাৎ নিশাৰ ধুমুহাই ক্ষতিগ্ৰস্ত ইছলাম ধৰ্মী লোক সকলে ৰোজাৰ চেহৰী খোৱাত বাধা গ্ৰস্ত হৈ পৰে বুলি জানিব পৰা গৈছে৷