লখিমপুৰৰপৰা জিয়াউল আলীঃ লখিমপুৰ লালুক থানাৰ আৰক্ষীৰ নাকৰ তলতেই দীৰ্ঘকালে চলিছে নকল সোণৰ দুই নম্বৰী বেহা।
গোপন সূত্ৰৰ পম খেদি শনিবাৰে লখিমপুৰৰ নাওবৈচাত আৰক্ষীৰ অভিযানত আটক হ'ল দুই নকল সোণ বেপাৰী।
ধৃত নকল সোণ ব্যৱসায়ীকেইটা হৈছে বঙালমৰাৰ ২নং সোণাপুৰৰ ৰাজিবুল আলি আৰু ছামাচুল হক।
সোণ ক্ৰয় কৰিবলৈ অহা কোচবিহাৰৰ উত্তম কুমাৰ ঘোষ আৰু মিঠু দাসকো আটক কৰিছে নাওবৈচা আৰক্ষীয়ে।
সোণ ক্ৰয় কৰিবলৈ অহা উত্তম ঘোষ আৰু মিঠু দাসৰপৰা উদ্ধাৰ কৰিছে নগদ 20 হাজাৰ টকা।
ঘটনা সন্দৰ্ভত অধিক তথ্যৰ বাবে তদন্ত অব্যাহত ৰাখিছে আৰক্ষীয়ে।
আৰক্ষীয়ে সঠিক তদন্ত অব্যাহত ৰাখিলে অধিক নকল সোণৰ বেপাৰীক আটক কৰাৰ সম্ভাৱনা আছে।