লালুকঃ মণিপুৰত বিদ্ৰোহী সংগঠনৰ বোমা বিস্ফোৰণত নিহত অছাম ৰাইফলছৰ জোৱান বিজু স্বৰূপৱাৰৰ আজি সামৰিক মৰ্য্যদাৰে শেষকৃত্য সম্পন্ন কৰা হয়৷
কৰ্তব্যৰত অৱস্থাত মণিপুৰৰ বিদ্ৰোহী সংগঠনে সংঘটিত কৰা বোমা বিস্ফোৰণত নিহত জোৱানজনৰ নশ্বৰ দেহ আজি লখিমপুৰ জিলাৰ নাওবৈছাস্থিত ঘৰলৈ অনা হয়।
অাছাম ৰাইফলছৰ উচ্চ পদস্থ বিষয়াসহ ১৫ জনীয়া গোটে কঢ়িয়াই অনা জোৱানজনৰ নশ্বৰ দেহ নাওবৈছাৰ লথৌ শান্তি সংঘৰ প্ৰাংগণত শেষ শ্ৰদ্ধাঞ্জলি জনোৱাৰ বাবে ৰখা হয়৷
বিভিন্ন অঞ্চলৰ কেইবা শতাধিক ৰাইজে জোৱানজনক শেষ শ্ৰদ্ধাঞ্জলি যাচে৷ ইয়াৰ পিছতে সাত জাই টোপধ্বনিৰে সামৰিক মৰ্য্যদাৰে সম্পন্ন কৰা হয় শেষকৃত্য৷ জোৱানজনৰ মৃত্যুত সমগ্ৰ জিলাখনতে শোকৰ ছাঁ পৰিছে।